Acta Sanmarinensia de AIS San-Marino

Acta Sanmarinensia publikigas la tekstojn de prelegoj kaj kursoj okazintaj dum studsesioj de AIS.

Tie ĉi vi trovas la liston de la kontribuoj, kaj parte ankaŭ resumojn aŭ eĉ kompletajn tekstojn.

La kvina sekcio de AIS je 1989-08-29 jene decidis pri Acta Sanmarinensia (eltiraĵoj el la protokolo, publikigita en GrKG 1989/4, formo iomete korektita):

• Estu publikigitaj la Aktoj de SUS...
• Ili baziĝu sur prespretaj manuskriptoj, do ankaŭ kun jam muntitaj bildoj kaj diagramoj.
• La manuskriptoj estu en DIN A 4, kaj por la presado reduktitaj al DIN A 5. En tiu formato ili aperu kajerformaj.
• S-ino Frank esploru la optimuman eldonkvanton, la kunsidanoj esprimas [la rekomendon] eliri de ne tro granda kvanto, eble de la ordo 100.
• Kursoj kaj prelegoj estu publikigeblaj. La amplekso ne superu 20 paĝojn. La kontribuaĵoj enhavu:
  • la titolon
  • la (sentitolan) aŭtornomon kun mencio de la devenloko
  • resumon en ILo kaj almenaŭ unu alia lingvo
  • piednoton kun mencio pri la tipo de kontribuaĵo al kiu SUS
  • ĉe la fino la adreson de la aŭtoro
  • glosaron de terminoj ne-PIV-aj aŭ grandskale nekonataj

La senato decidis en septembro 1994 (protokolo en GrKG 1994/4):

Por la kajeroj de Acta Sanmarinensia validu jenaj reguloj:

• Pri la enhavo de kajero kun SUS-kurso de efektiva membro (serio L) respondecu ĉi tiu, kaj li apartenu al la redakcio
• kajero kun diversaj SUS-prelegoj el sekcio (serio P) estu kompilita de la koncerna dekano aŭ de la daŭra taskplenumanto de la sekcio; la kompilanto apartenu al la redakcio;
• decidojn pri kajeroj de la serio D (diversaĵoj) faru la senato.

Ĝis nun aperis ses volumoj de Acta Sanmarinensia. La enhavolisto estas trovebla tie.

Pri la SUS-aktoj iam instancis la informofico; nun estas la scienc-ofico. Ĝi aŭ redaktisto komisiita de ĝi kolektas novan materialon kaj decidos pri la publikigo de nova volumo.

Laŭ iama praktiko la aŭtoroj de konstribuoj por A. S. devas mem financi la eldonadon, ĉar AIS ne havis buĝeton por tio. Aktuale la Subtena Sektoro de AIS subvencias la eldonadon.

Aŭtoroj konsideru ankaŭ la eblon, publikigi artikolojn en ILo en Scienca Revuo, la organo de ISAE.