19a SUS en San-Marino / Rimini

Post la Moskva konferenco en Marto, la Pola konferenco (Bydgoszcz) en aprilo/majo kaj la internacia dum la UK en Montpellier, la 19a SUS de AIS okazos denove en la itala Rimini kaj en la urbo San-Marino. Dum kvar tagoj, 1998-08-31/09-03, okazos sciencaj kursoj diversfakaj, tauxgaj por homoj kun maturecekzamena klereco. Jen ekzemploj:

Kursoj

OProf. Helmar G. Frank: Lingvo-orientiga instruado. Pri Esperanto kiel lernfaciligo por aliaj lingvoj.
OProf. Fabrizio Pennacchietti: Legendaj intermitaj riveroj.
Pennacchietti / Butan / Otiman: La digneco en la Rumanaj baladoj.
Pennacchietti / Dörr: Baza radikaro de Esperanto.
OProf. Carlo Minnaja: Diskutoj pri prioritato en matematikaj malkovroj. Komunikado inter sciencistoj ne cxiam estas tuja kaj ideoj povas naskigxi diversloke. Kiu unua inventis la diferencialan kalkulon, cxu Newton aux Leibniz? Cxu vere Newton demonstris la legxon de la inverso de la kvadratoj aux li blufis? Cxu Laplace inventis la transformon kiu havas lian nomon, aux li nur sxtelis ideojn? Pro la misagnosko de lia prioritato, Cantor frenezigxas...; Cauchy triumfas en la teorio pri kompleksa variablo, Gauss ridetas kaj eltiras siajn malnovajn kajerojn kun la teorio jam evoluigita...
OProf. Horst S. Holdgrün: Specialaj funkcioj.
OProf. Hans Michael Maitzen: Interstela materio.
Prof. Gennadij Sxilo: Retoriko.

Prelegoj

Butan / Otiman: Latinajxoj en la Bonata dialekto.
Otiman: La Rumana vilagxo, euxropecaj vidpunkto kaj perspektivoj.
AProf. Angstl: Semiotiko.

Krome okazos

Kadra programo

1998-08-30 (dimancxo), 20h45	Inauxguro de SUS 19 en la parohxa kinejo en Rimini, via Carlo Zavagli, kvartalo San Giuliano Mare. La ejo estas markita per rugxa kesto kun "B" sur la mapo.
1998-08-31 (lundo), 20h45	Literatura vespero, kontribuoj interalie pri Celebrado de la du jubileoj de la Akademio de Esperanto, establita en 1908 kaj refondita en 1948. Problemoj lingvaj (kaj ne nur...) de la unuaj periodoj. Celebrado de la jubileo de Giacomo Leopardi (nask. 1798): aktorado de lia dialogo "MODO KAJ MORTO" (premiero) Celebrado de la jubileo de Giacomo Casanova (m. 1798): recitado el lia "Historio de mia vivo" (premiero pri traduko el Casanova en E-on) Esperanto kaj la pasticxaj lingvoj: la eksperimento pri Teofilo Folengo; kiel moderna internacia lingvo arte traduku el lingvo neekzistinta.
1998-09-01 (mardo), 17h00	Simpozio pri Euxrologio kun unuopaj prelegoj. Temoj interalie: historio de auxtomata tradukado (kun lumbildoj); Casanova kiel Euxropano; efikoj de komuna Euxropa valuto; preparado de orient-euxropaj landoj al Euxropa integrigxo.
1998-09-02 (merk.), 20h45	Akademia Forumo kun publika diskuto; temo fiksota.
1998-09-04 (vendredo)	Publikaj finekzamenoj en la respubliko San-Marino.
16h00	Gxenerala Asembleo de AIS en "Sala degli Archi" cxe Piazza Cavour en Rimini
17h30	Solena Fermo de SUS 19 (publike), en "Sala degli Archi"

Partopreno en SUS 19 kostas kotizon de 37,50 germanaj markoj; cxiu parolanto de Esperanto estas bonvena. San Giuliano Mare havas belan plagxon, tauxgan por kunvojagxantaj familianoj aux pauxzoj en la programo. Rimini, kies centro foras cxirkaux unu kilometron, posedas ne nur plagxojn, sed ankaux historiajn vidindajxojn (kaj Esperanto-straton kaj Zamenhof-straton). Hoteloj en San Giuliano estas ne luksaj, sed bonaj kaj favorprezaj.

Aligxilojn sendas kaj aligxojn akceptas la senata sekretario de AIS,

ADoc. Joanna Lewoc
Karl-Schwarzschild-Weg 6/317
DE-37077 Goettingen
Germanio
blewo1 @ hrz.uni-paderborn.de

Tri- aux kvarstelaj hoteloj de Rimini estas troveblaj cxe www.tradenet.it. Ekzistas tamen ankaux favorprezaj familiaj hoteloj kaj pensionoj.