AIS · ISD ·

S-ro ADoc.

Zlatko HINŠT

dr. sc. (ZH), dipl. oec., prof. – dv. AdAIS

Hinšt unue diplomiĝis en Ekonomika Fakultato Zagreb en la jaro 1977 (diploma laboro pri konjunkturo kaj konjunktura politiko – tiam premiita). Samjare li posteniĝis en tiama ŽTP – Fervoja Transporta Entrepreno Zagreb, nun HŽ – Hrvatske željeznice (Kroataj Fervojoj). Due, en la jaro 1980 li diplomiĝis en Filozofia Fakultato (sociologio kaj filozofio; diploma laboro pri sociologiaj aspektoj de organizado kaj planado). Multjare li okupiĝis en kadro de siaj profesiaj taskoj pri ekonomiaj aferoj, disdivido de enspezoj kaj salajroj, ekonomia analizo, ekonomiko, inkludante ekonomikon pri trafiko). En la jaro 1993 li magistriĝis en Departmento pri sociologio de Filozofia Fakultato en Zagreb – postdiploma studado sub nomo "Socia ekologio". Laborinte en kadro de magistra distertacio "Sociaj aspektoj de trafiko kaj pozicio de marĝenaj grupoj – subtitolita En ekzemplo de Zagreb (lasta sintagmo-termino rilatas al riskaj grupoj kun malfacilaĵoj en trafiko kaj en urba spaco – invalidoj, maljunaj homoj kaj infanoj) li multe esploris, kies rezultoj pri enketoj, mezuradoj kaj aliaj informoj estis publikigitaj en kelkaj revuoj kaj simpoziaj kolektoj de laboraĵoj. En la jaro 2002 li doktoriĝis ĉe Ekonomika Fakultato Zagreb defendinte doktoran disertacion sub titolo "Prezoj kaj eksteraj efikoj kiel determiniloj de ekonomia situacio de fervoja sistemo" (resumo de la distertacio estas en revuo "La Domo" n-o 38/2003). Ĝi estas granda inspiro por liaj pluaj laboroj kaj li preparadas novajn esplorojn kaj artikolojn. Nun li estas gvidestro pri planado kaj investoj en fakservejo Kontrolingo de Kroataj Fervojoj.

Aŭtoro de pli ol sesdek nacilingvaj publikaĵoj en fakaj revuoj kaj kolektoj de laboraĵoj en kadro de simpozioj en Kroatio kaj en aliaj eksjugoslaviaj revuoj. Ĉi-tiuj liaj publikaĵoj estas en kroata lingvo. Li komprenas kaj legas aliajn sudslavajn lingvojn, precipe serban, pro iliaj malpli-pli grandaj similecoj laŭ kroata lingvo. Li esplor/is/as kaj verk/is/as pri ekonomiaj aspektoj de negocado kaj evoluigo de fervoja sistemo (en Kroatio). Precipe li estas aktiva (ekde 1995) en kadro de Kroata scienca societo pri trafiko – en simpozioj kaj revuo Suvremeni promet (Moderna trafiko). Por agado li ricevis societan plateton. Antaŭe li publikigis multajn grandajn sciencajn kaj fakajn artikolojn en fervojaj revuoj. Li ankoraŭ verkas fakajn artikolojn pri antaŭenigado de negocado – ekonomiaj analizoj kaj simile. Speciale li okupiĝas pri ekonomi(k)a kaj fervoja terminologio kunligante komparojn inter lingvoj kaj kritikan klarigadon de nocioj kaj proponoj. Pri tiuj temoj li verk/is/as kaj publikig/is/as internacilingvajn artikolojn. En oficiala revuo de Kroataj Fervojoj "Željezničar" (Fervojisto) li preparadas trarigardojn pri fakaj prelegoj kaj aktualaĵoj en kadro de IFEF-kongresoj kaj aliaj artikoloj. El fakaj E-organizoj li estas membro de IKEF – Internacia Komerca Ekonomia Fakgrupo – kaj de TAKE – Tutmonda Asocio de Konstruistoj Esperantistoj. En kadro de IFEF – Internacia Fervojista Esperanto-Federacio li kunlaboras kun Faka Komisiono – membro de Terminara Sekcio. Esperanton li eklernis kiel 13-jarulo. Ekde la jaro 1981 li fariĝis membro de Fervojista Esperanto-Societo Zagreb, kiu nun estas Kroata Fervojista Esperanto-Asocio (KFEA), kies multjara vicprezidanto li estas. Ĉi-tie li interalie, prelegas pri fervojaj temoj. Ankaŭ li estis multjara delegito de KFEA en KEL, nun li estas membro de Prezidantaro de Kroata Esperanto-Ligo (KEL) kaj delegito (komitatano) de KFEA en IFEF. Kelkajn jarojn li estas individua membro de UEA. Krom intereso pri interlingvistiko kaj pri liaj profesiaj bezonoj, lingvoj estas lia hobio. Lasttempe li individue laboras (lernas) en itala kaj en rusa lingvoj. Li estas edziĝinita kaj patro de unu filo.

Sciencaj publikaĵoj internacilingvaj

• Rimarkoj pri la libro – Lingva analizo kaj proponoj pri la "International Business Dictionary in nine languages – Internacia komerca-ekonomika vortaro en naŭ lingvoj", La Merkato n-ro 86 (oktobro 2004), p. 12-16 kaj ĝia daŭrigo en LM n-ro 87 (januaro 2005), p. 7-12 (disponebla en formo de papera revuo kaj en Interreto www.ikef.info) – prelego en la 56-a Kongreso de IFEF (Internacia Fervojista Esperanto-Federacio) en majo 2004 en Sopron (Hungario).
• Problemo de signifoj de ekonomiaj terminoj en Fervoja Terminaro (UIC Dictionary), La Merkato, n-ro 89 (julio 2005), p. 9-15 (papera revuo kaj www.ikef.info) – prelego en la 57-a Kongreso de IFEF en majo 2004 en Braşov (Rumanio).
• Liberaligo de eŭropa fervoja trafiko kaj lingva problemo, Kongresa Libro de La Sepa Kongreso de kroatiaj esperantistoj, Zabok, la 18-an kaj 19-an de junio 2005, p. 17-20.

Sciencaj publikaĵoj etnolingvaj

• Strategija razvoja željezničkog prometnog sustava Republike Hrvatske, studija, autor: - 2.3.1.4. Vrijednost sredstava u željezničkom prometu, Knjiga I, str. 338-369, - 4.4.1. Ekonomski položaj, str. 691-740, - 4.4.4. Vodenje ekonomske (poticajne i porezne) politike Republike Hrvatske u razvoju željezničkog prometnog sustava, Knjiga II, str. 773-806, - sinteza o ekonomskim aspektima strategije razvoja, Knjiga II, str. 841-847, Institut prometa i veza, Zagreb, prosinac 1996.
• Financijsko stanje i subvencije u željezničkom prometu: Usporedbe i rješenja europskih i hrvatskih željeznica, Ekonomski pregled, Godina 49, 4-5, Zagreb, 1998., str. 323-341 (izvorni znanstveni rad).
• Željeznica u funkciji povećanja sigurnosti (cestovnog) prometa i drugih pozitivnih učinaka, Zbornik radova II. dio Deseto mežunarodno znanstvenostručno savjetovanje "Promet i okoliš", 18.-19. travnja 2002., Opatija, Hrvatska, Suvremeni promet, Godina 2002., Broj 3-4, Zagreb, str. 234-245 (prethodno priopćenje).