Kodado de datenaj tipoj: nombroj

• entjeraj nombroj

Entjeraj nombroj estas kodataj en la duuma sistemo kaj memorata en 2, 4 aux 8 bajtoj. La unua bito kodas la signumon (0 por pozitivaj, 1 por negativaj nombroj), tiel ke restas 15, 31 aux 63 duumaj ciferoj.
Ekzemplo: 69 = 1*64 + 0*32 + 0*16 + 0*8 + 1*4 + 0*2 + 1*1 ->
00000000 01000101

Por interesitoj: jen pli detala prezento pri kodado de negativaj nombroj.

• frakciaj nombroj

  Frakciaj nombroj povas esti kodataj en fiksa-koma aux glit-koma reprezento. Fiksa-komajn nombrojn uzas la komercista (financa) kalkulado, glit-komajn la fiziko. Fiksa-komaj nombroj ne esence diferencas de entjeraj nombroj.

  Glitkoma reprezento kodas nombrojn per du vicoj de ciferoj:

  1. La signifikajxo (aux mantiso) -- tio estas la vico de la signifikaj ciferoj
  2. La eksponento (aux karakteristiko), kiu indikas la lokon de la dekuma komo.

  Tiuj du cifervicoj senambigue karakterizas la kodatan nombron. Ili estas memorataj kiel duumaj nombroj.

  Ekzemploj (dekumaj):

  123.4567	->	12345670	+3
  0.001234567	->	12345670	-2
  456 * 10 28	->	45600000	30
  0.23 * 10 -7	->	23000000	-7

  Por interesitoj: jen pli detala priskribo.