Kodado de datenoj: vektoraj (strekaj) bildoj

Krom kiel punktokradaj bildoj, bildoj povas esti kodataj kiel vektoraj (strekaraj) bildoj.

Vektoraj bildoj kodas instrukciojn, kiel desegni bildon, ekzemple:

• desegnu rugxan rektan linion 3 bilderojn largxan de pozicio (12,234) al pozicio (456,113).
• desegnu cirklon kun centro (267,189) kaj radiuso 125; la cirkla rando largxu 2 unuojn kaj estu blua, la cirkla interno havu la "veran" koloron (125, 244, 150).

Strekaraj bildoj bonege tauxgas por prezenti skemajn desegnojn, mapojn ktp., sed ne por fotografie realismaj bildoj. Eblas ajne pligrandigi, malpligrandigi, rotacii ilin sen perdo de informo aux malklarigxo. Antaux la prezentado sur la ekrano aux la presilo necesas tamen transformi ilin al kradaj bildoj. (Iam, kiam komputila memoro estis ege multekosta, ekzistis ekran-vidigiloj, kiuj desegnis rekte strekojn, vidigitajn per movo de katod-radio.)

Vektoraj bildoj ofte ne aspektas tiom "bele" kiom punkto-kradaj, sed ili havas gravan avantagxon: Ilia precizeco ne estas limigita per la difino de punkto-krado. Kiam oni pligrandigas kradan bildon, mankas informoj por detaloj; sed vektoraj bildoj estas prezenteblaj je ajna nivelo de detalemo, kiel montras jenaj bildoj:

originalo		laux krada tekniko	laux vektora tekniko
	malpligrandigo
	pligrandigo

Videblas, ke en la krada tekniko pligrandigo kauxzas "sxtupojn" en la konturoj, dum malpligrandigo disigas ilin al pecetoj. La vektora tekniko permesas placxan prezentadon en ajna skalo.

Rimarkigo: Ekzistas teknikoj, per kiuj malpli rimarkeblas la perdo de informo cxe la malpligrandigo de punkto-kradaj bildoj; sed la perdo cxiam ekzistas.