|
Ne malhavebla por la starigo de filio estas kiel partnero de AIS
San Marino regiona AIS-grupo, kiu ekzistas jure en la koncerna lando -
cxu kiel memstara asocio cxu nur kiel difinita sekcio de tia asocio, sed
kun propra regularo (almenaux en ILo, normale ankaux en la enlande
oficiala lingvo), kiu ebligas al cxiuj tiulandaj membroj de la Subtena
Sektoro aux de kolegio (ISK, IAK, ITK) de AIS sen aldona kotizpago
aligxi. --
AIS-grupoj povas realigi regionajn studadsesiojn de AIS, sed
ne finekzamenojn por la akiro de sciencista grado de AIS krom konforme al
la AIS-regularo en landoj, en kiuj ekzistas AIS-filio. --
|
Landaj grupoj ekzistas (krom la iniciatinta grupo sanmarina) kaj
havigis jam al la prezidanta sekretario sian internacilingvan statuton
aux regularon en la jenaj landoj:
- Germanio
- Rumanio
- Cxehxio
- Slovakio
La fondoj de AIS Pollando kaj de AIS Meksikio okazis -- ambauxkaze
internacilingva statuto estas ankoraux atendata. La fondo de AIS en Rusio
(aux la Unio de Sendependaj Sxtatoj) ankoraux sxvebas. La fondo de AIS
Italio estas prokrastita al nedifinita dato. AIS Brazilo (aux Sudamerika)
eble okazos kiel malfermita sekcio de Fondajxo Simpozio Florianopolis. --
|
|
Ne malhavebla por la starigo de filio estas por AIS San Marino
enlanda partnero, kiu estas agnoskita kiel komunutila [ne-profit-cela],
laboras en la kleriga kampo universitateca
(kondukanta almenaux al la nivelo de bakalauxreco)
kaj povas disponigi la salonojn kaj instrumentojn necesajn
por realigi SUS-ojn. Prefere cxi tiu partnero estu sxtata universitato,
sed principe gxi povas esti ecx identa kun la region AIS-grupo, se cxi
tiu dauxre disponas pri la neceaj ejoj kaj iloj,
|
- En Pollando kontraktis kun AIS en cxi tiu senco la Teknika
Universitato Byalistok, sed la kontrakto estas malfermita al aliaj polaj
klerigejoj.
- En Rumanio ekzistas kontrakto kun la Lucian-Blaga-Universitato Sibiu,
- en Cxehxio kun la Karla Universitato Praha,
- en Slovakio kun la Filozofo-Konstantin-Universitato en Nitra.
- En Germanio tia kontrakto ne ekzistas.
- En Rusio diversaj provizoraj interkonsentoj okazis.
- En Florianopolis la fondo de universitateca
klerigejo kadre de Fondajxo Simpozio estas planita.
- Pri la situacio en Koreio mankas informo.
- En San Marino mem la partnero por la realigo de
SUS dekomence estis la ministerio pri publika instruado kaj kulturo; pro
diversaj intertempe okazintaj sxangxoj nova solvo estas preparata lige
al la renovigo de la sanmarina grupo.
|