Jarfina cirkulero 1994
Stato: 1994-12-20

al cxiuj ISKanoj, IAKanoj, ITKanoj kaj al niaj Subtenaj Membroj

espereble cxifoje jam bontempe antaux la jarfino vi ricevos mian tradician cirkuleron por ke vi povu reagi antaux la 31-a de decembro al kelkaj tre aktualaj rekomendoj kaj petoj, kaj bontempe konsideru la limdaton 1995-03-15 por aliaj.

Sed unue mi esprimu du gratulojn al AISanoj, al kiuj estas 1994 agnoskitaj premioj:

• La plej grava kaj gxojiga evento por nia akademio estos en la decembro la havigo de la Nobelpremio 1994 en la fako ekonomiko al nia plenrajta membro OProf. Reinhard J.R. SELTEN. Li apartenas al nia Internacia Scienca Kolegio (ISK) ekde gxia fondojaro, 1983, kunfondis 1987-08-30 AIS Deutschland e.V. kaj reprezentas en nia kibernetika sekcio la laborkampon matematika ekonomiko. Siajn ludteoriajn ekkonojn, kiujn oni nun honoras per la nobelpremio, li aplikis i.a. por decidi (kunlabore kun AProf. Jonathan Pool AMdAIS), cxu indas lerni ILon. Cxi tiu teksto aperos dulingve (en ILo kun paralela germana traduko) 1995 kiel kromvolumo de la 36a volumo de GrKG/Humankybernetik. Subskripciu!

• La Premion Pirlot 1994 akiris la TAKIS-kongreslibro "Lingvo kaj Kibernetiko", kiun redaktis ADoc. Dan Maxwell kunlabore kun ASci. Mariana Preotu kaj Alexandru-Puiu Tacu. La libron aperigis Akademia Libroservo pere de la eldonejo Kava-Pech. - Proponojn pri sciencaj libroj je almenaux 50% verkitaj en ILo (sed ne ekskluzive pritraktantaj esperantologiajn aux interlingvistikajn temojn) por la Premio Pirlot 1995 la Senato de AIS akceptas gxis la 15a de marto 1995. La auxtoro aux kompilinto devas aparteni al ISK jam almenaux 5 jarojn.

Aparte menciindaj cxijaraj progresoj de AIS estas:

• la starigo de slovaka filio per kontrakto kun la Klerigscienca Universitato Nitra, kie ni malfermis komence de oktobro la registron de cxe AIS akiritaj kaj nun ankaux tiulande agnoskitaj sciencistaj gradoj,
• la inauxguro de AISejoj en Nitra kaj Praha, kiuj (post starigota interkonsento pri detaloj kun AKADEMIDOMARO) ebligos (same kiel jam nun nia Senata Sidejo en San Marino) al AISanoj plurtagajn aux ecx plursemajnajn restadojn je favoraj kondicxoj, kaj kompreneble
• la okazigo
  • de SUS 13 en San Marino (apartan dankon pro multaj helpoj al OProf. Ruxdiger Sachs, Mag.h.c. Marina Michelotti kaj ASci.Mag. Joanna Lewoc),
  • de SUS 14 en Sibiu (organizita de teamo starigita de ADoc.Mag. Sara Reisenauer) kaj
  • de tuj sekvinta unua slovakia studadsesio en Nitra.
  • De la aliaj studadsesioj menciitaj en mia pasintjarfina cirkulero ja okazis la studadsesio en Bydgoszcz (PL)
  • sed bedauxrinde pro pluraj malfavoraj eventoj kaj cxirkonstancoj ne la unua orientazia studadsesio planita lige al la Universala Kongreso en Seoul.
    Ni decidis provi novan klopodon de tia kunagado kun UEA okaze de la 80-a UK en Tampere (FIN) 1995-07-22/29 kaj invitas ne nur la profesorojn sed ankaux cxiujn aliajn docentojn de AIS sin proponi por la realigo de 8-horaj kursoj al OProf.H.-M. MAITZEN SMdAIS. Limdato: 1995-01-15. -
  • Jam antauxe okazos studadsesio de nia morfoscienca sekcio (dekano: OProf.Dr.habil. T.Tyblewski) en la kadro de scienca kaj arta forumo pri protektado de naturo kaj kulturo okazonta 1995-06-26/07-05 en Poprad-Tatry, Slovakio. AISanoj gxuos 30%an rabaton cxe aligxo. Informojn donos la organizanto kaj scienca gvidanto ADoc.Dr. Lev Medvedev

Ankaux dum SUS 13 nia Gxenerala Asembleo kompletigis statutkonforme nian revizoraron, kiu nun konsistas el PDoc.Dr. Werner Bormannn, PDoc. Rudolf Fischer dr. kaj (por San Marino:) ISKano Gianfranco Polerani resp. (por AIS Deutschland): ADoc.Dr. Lothar Weeser-Krell.

1995 estos la lasta dejxorjaro de la nuna Senato, kiu kunvenos fine de marto por decidi pri

• la programo de SUS 15 (San Marino de la 27-a de auxgusto gxis la 3-a de septembro
• la elekto de la SubS-estraro 1996-1999 okazos la 28an de auxgusto; Senato kaj Revizoraro 1996-1999 elektigxos la 2-an de septembro),
• pri akcepto de kandidatoj,
• pri la Premio Pirlot 1995,
• pri la finredaktota formo de la aktualigita regularo,
• pri la kvara volumo de "acta sanmarinensia",
• pri la eventuala pluluado de la Senata Sidejo kaj ne lastavice
• pri ebloj kontinui la laborojn de nia Akademio en la dua jardeko de gxia jura ekzisto.

Mi aparte petas vin uzi iom da tempo dum la pensigaj tagoj 'inter la jaroj' por evoluigi vian vidpunkton pri la estonteco de nia akademio. Ni sendube povos konstati dum SUS 15, ke dum la tiam preskaux 10 jaroj de la jura (12 jaroj de la fakta) ekzisto de AIS ni multe progresis: rilate la kvanton kaj kvaliton de niaj sciencaj apartenantoj, la plenumitajn instru-, esplor-, ekzamen-, public- kaj kongreslaborojn, la akiritan prestigxon, nian kreskintan lingvan nivelon, la efektivigitajn kunlaborkontraktojn kun pluraj euxropaj universitatoj, la kvanton de niaj fidelaj subtenaj membroj, kaj, resume, rilate la evoluintan strukturon de la idealo de Comenius konkretigxanta kiel AIS. Se ni povus sen antauxjugxoj komenci hodiaux, nia startpozicio objektive estus pli bona ol 1983 aux 1985. Subjektive tamen por ne malmultaj de ni nia progreso ne estis suficxe rapida, tiel ke ilia komenca entuziasmo perdigxis. Ni perdis ankaux kunagintojn, sen kies fervora, nesalajrita laboro dum la unuaj jaroj nia AIS neniam estus atinginta sian nunan staton, kaj al kiuj ni dauxre sxuldas dankplenan memoron. Hodiaux la ampleksoj de nia apartenantaro kaj de niaj servoj (kvankam ambaux certe ankoraux ne estas kontentigaj!) ne plu ebligas ekziston de AIS sen minimumo de pagenda laboro - pagenda ne al profitemuloj sed al favoraj kaj spertaj idealistoj, kiuj tamen bezonas ian minimuman vivbazon. Tial ekde 1992 malkreskadas nia antauxe akumulita kapitalo. Ni draste reduktis niajn elspezojn, sed ne plu eblas eviti perdojn nur per plua sxparado - ni bezonas pli da enspezoj. Ilin ni preferas ne akiri nur per pliaj donacoj sed pro pli vasta uzo de niaj servoj (klerigaj, rilatojn havigaj, prestigxon donaj ktp.). Sen tio, do sen via helpo, ni devus rezigni iam en 1996 aux 1997. Mi petas tial cxiun de vi, starigi al vi mem la jenajn tri demandojn:

1. Cxu vi sincere volas, ke la internacia scienca komunikado pliblonigxu per iom-post-iome kreskanta uzado de neuxtrala, tauxge planita sciencolingvo, kia ja estas la Zamenhofa lingvo?
2. Cxu vi konas alian institucion ekzistantan aux rapide starigeblan, kiu probable pli rapide ol nia akademio povus enfiltirigi la Internacian Lingvon en la sciencojn?
3. Kiel vi mem povas kaj pretas kontribui al la sekurigo de la estonteco de AIS?
   • Cxu vi partoprenos en SUS 15?
   • Kun kiom da studentoj, kolegoj, amikoj, familianoj viaj?
   • Cxu vi kandidatigxos cxifoje - aux iniciatos kandidatigx-stipendiojn por nepagipovaj studentoj?
   • Kiun de niaj publikajxoj vi mendos por vi mem aux kiel donaco al kolego?
   • Cxu vi pretas roli kiel mecenato por estonta publikajxo (en kiu via helpo estos dece reliefigata) aux por plialtigo de la Premio Pirlot?
   • Cxu vi pretas helpi nin per plifaciligo de nia vinkoncerna administra laboro? Kiel vi agade helpos? Cxu konvinkante aliajn - senpere aux per nacilingvaj aux internacilingvaj gazetarartikoloj? Aux cxu vi helpos ecx finance?

1. ekde la 1-a de januaro 1995 validas la nova kurzo de la AKU: 125,- DM (anstataux momente ankoraux 100,- DM). Ne celligitajn enpagojn al via servobonhavo ni jam nun adicias laux la nova kurzo.
2. ekde 1995 la simbolaj kotizoj estos unuecaj: jare 0,1 AKU por cxiuj ISKanoj, cxu liberaj, cxu alvokitaj (kiel AdAIS, AMdAIS aux MdAIS).

• Se viaj financaj ebloj tion permesas, akiru la dumvivan subtenan membrecon cxe AIS ekde 1994, pagante 25 AKU antaux la 31-a de decembro per 2.500,- DM minus via por 1994 jam pagita kotizo (vi pagas 3.125,- DM ekde la januaro). Kiel dumviva subtena membro vi
  1. ne pagos simbolan kotizon por via eventuala ISKaneco,
  2. povos aligxi senpage al SUS,
  3. ricevos senpage kvarfoje jare la kvarlingvan revuon "GrKG/Humankybernetik" kun ankaux la oficialaj sciigoj de AIS,
  4. aperos kun foto en la tria eldono de la Internacia Sciencista Dokumentaro (ISD),
  5. ricevos tuj post alveno de via enpago senpagan ekzempleron de la aktuala eldono de ISD kaj
  6. havos aliajn avantagxojn - ne lastavice vi evitas la cxiujaran kotizpagadon.

• Se vi ja volas esti subtena membro kaj gxui almenaux la avantagxojn (1), (2) kaj (3), sed ne volas jam dumvive membrigxi, pagu antaux la jarfino jam anticipe por pluraj jaroj po 100,- DM (anstataux 125,- DM ekde 1995).

• Se vi volas pagi nur la simbolan kotizon vi povas ankaux tion fari unufoje por via tuta vivo: gxirante 2,5 AKU, t.e. aux antaux la jarfino 250,- DM aux ekde januaro 313,- DM. (Se vi estonte ja volas akiri ankaux lxdumvivan subtenan membrecon vi krompagos 22,5 AKU.) La 31-a de decembro 1994 estas la limdato de la valideco de la gxisnuna simbola kotizo por aliaj ISKanoj ol plenrajtaj membroj (MdAIS), t.e. 0,04 AKU por liberaj ISKanoj, 0,06 AKU por AdAIS, 0,08 AKU por AMdAIS: ni akceptas la antauxpagon por maksimume 3 jaroj (gxis 1997) en cxi tiu alteco - sed ni deprenos la sumon de via servobonhavo nur, se vi informos nin pri tio antaux la jarfino.

• Se la stato de via servobonhavo kaj via financa situacio ankoraux ne ebligas pagi ecx la simbolan kotizon por 1995, tiam ne hezitu peti la transprenon fare de la Dr.Klemm-fonduseto (pere de ASci. Bac.h.c.Germain PIRLOT ) sed komprenu, ke pro evidentaj kialoj ni ne faros tion por vi. -

• Se la stato de via servobonhavo je la fino de la jaro 1994 ne superas 1 AKU, tiam 1995-01-01 la stato estos la sama (vi do estos profitinta en DM 25%n - eblan negativan staton antauxe nuligu por ke viaj sxuldoj ne kresku je 25%!). Por eviti la perdon de tro da libere uzebla kapitalo la Gxenerala Asembleo decidis, ke en la kazo de pli alta stato de la servobonhavo ol 1 AKU ni reduktu la diferencon al 80% (tiel ke la valoro en DM ankaux en tiaj kazoj ne kresku je pli ol 25,- DM). Escepton ni faru laux tiu decido nur por tiu parto de la servobonhavo-stato, kiu ekde 1990 neniam estis malsuperigata, tiel ke AIS povis enspezi pro gxi interezojn. Tiam, kompense, anstataux nur 1 AKU restu tiu plurjara minimumo nereduktita, kaj nur la resto de la jarfina servobonhavo-stato estos (ne en DM sed en AKU) reduktita je faktoro 0,8. -

• Mi rekomendas al vi jam antaux la jarfino pagi servojn aux aliajn ofertojn, kies kostoj estas fiksitaj en AKU (aligxo al SUS 15, kandidatigxo ktp.), se vi havas suficxan servobonhavo-staton - se ne, gxiru celligite ankoraux cxijare la necesan sumon laux la ankoraux valida kurso 1 AKU = 100,- DM.

• Se vi havas UEA-konton vi povas ankaux pagi el gxi al la AIS-konto cxe UEA - aisc-j - laux la jena kurzo: gxis la 27a de decembro: 1 AKU = 115 nederlandaj guldenoj, poste 143 hfl. (Ebla malavantagxo de cxi tiu pagmaniero estus por vi, ke gxi malebligas havigi donackvitancon, kiu en kelkaj landoj reduktas la pagendan imposton. Por cxiuj aliaj 1994 okazintaj enpagoj en vian servobonhavon aux por apartaj donacoj ja aux ne celligitaj vi ricevos plej malfrue antaux la fino de la marto 1995 donackvitancon pri la tuta sumo - pardonu, ke ni ne tuj reagis al unuopaj enpagoj, sed ni celis redukti sendadon de pluaj kvitancoj jare!)

Mia lasta peto: helpu ankaux al la du formale komercaj, sed idealisme kun AIS kunlaborantaj entreprenoj AKADEMIDOMARO kaj Akademia Libroservo: La unua vin invitas profiti de niaj gastigebloj en San Marino, Praha, Nitra kaj probable baldaux en Sibiu (se vi ecx nur probable havos okazon 1995, sciigu tion tuj al unu de la du afergvidantoj, t.e. cxu al nia trezoristo, cxu al la vicdirektoro de nia subtena sektoro ASci. Siegfried PIOTROWSKI dr. por plifaciligi planadon kaj decidojn!). La dua aldonas oferton de jam aux baldaux haveblaj publikajxoj kaj aliaj AISajxoj tauxgaj ankaux kiel donacoj kaj pageblaj el via servobonhavo.

Dezirante agrablajn festotagojn kaj sukcesan 1995 salutas vin via

OProf.Dr.habil.Helmar FRANK, Prezidanto