1.2 Per la ekzamenproceduro estas plue kontrolata, cxu la kandidato estas ekkoninta en sia fako eblojn kaj malfacilojn de la internacia scienca kunlaboro kaj akirinta suficxan kapablon por la internacilingva cxifaka komunikado.
1.3 La ekzamenado rilatas al kvar niveloj al kiuj estas alordigitaj la sekvaj
latinaj (kaj internacilingvaj) sciencistaj gradoj kaj titoloj:
(1) Baccalaureatus ... (bakalauxro ...) -- mallonge: Bac. ...
(2) Magister ... (magistro ...) -- mallonge: Mag. ...
(3) Doctor ... (doktoro ...) -- mallonge: Dr. ...
(4) Doctor ... habilitatus (doktoro habilita ...) -- mallonge: Dr. ... habil.
En cxiu kazo la kompletigo ,,...`` indikas la sekcion, kiu akceptis la
verkajxon (art. 3.4).
AIS aplikas tiucele la formalajn kriteriojn, kiujn preskribas la Sanmarina
Kadra Universitato-Legxo por la akiro de la kvar konformaj itallingvaj
sciencistaj gradoj kaj titoloj (Diploma, Laurea, Specializzazione, Dottorato di
Ricerca). Per aldonaj formalaj kaj enhavaj postuloj AIS celas certigi per siaj
internacie kunmetitaj ekzamenkomitatoj la formalan kaj enhavan egalvalorecon
kompare al alilingvaj sciencistaj gradoj, titoloj kaj rangoindikoj (precipe de
la germana, franca kaj aliaj euxropaj lingvoregionoj), do la
agnoskindecon en la tuta mondo. Per tio AIS intencas kontribui al
la evoluigo de internaciaj komparkriterioj kaj al la iama starigo de komunaj
postuloj kaj nomoj por titoloj.
1.4 Sur neniu el la kvar nivelsxtupoj AIS asertas la indecon de kandidato havi la koncernan sciencistan gradon kaj titolon, se ne eblis jese respondi kaj al la demando pri la faka nivelo (starigita en art. 1.1), kaj al la demando pri la tauxgeco por la internacia faka kunlaborado. Tiel la du postulitaj kvalitoj ne povas anstatauxi unu la alian. Nur se ambaux postuloj estas suficxe plenumitaj, eblas havigi ekzamenateston, kiu resumas la rezulton per frakciforma noto inter 0 kaj 1 tiel, ke 6/10 singnifas la minimumon necesan por la sukceso en la ekzameno.
1.5 Aplikendas kiel kriterioj la samaj ekzamenpostuloj, sendepende de tio, cxu
la aspirata sciencista grado kaj titolo estu -- surbaze de la pozitiva
ekzamenrezulto -- agnoskota originale (originalekzameno, originalagnosko), aux
cxu gxi sendepende de AIS estis jam donita kaj nun -- kunkonsiderante kromajn,
cxe AIS plenumitajn laborojn -- estu agnoskota en normigita internacia formo
(reekzameno, adapta adopto).
2.2 Ligitaj al la agnosko de unu el la sciencistaj gradoj kaj titoloj fare de
AIS (cxu per originalekzameno, cxu per reekzameno) estas la aligo al la
neformala Internacia Scienca Kolegio (ISK) de AIS (RD 1.3)
kaj la uzadrajto de la sciencista grado kaj titolo
kadre de la Akademio, sed ne auxtomate jam pliaj rajtoj. Tamen, la havigo de
sciencista grado estas kondicxero por diversaj rajtoj kaj roloj kadre de AIS.
La kondicxoj por la akiro de rango kaj funkcititoloj kadre de AIS estas difinitaj
per la statuto, la statutapendicio kaj la alvokoregularo. El RD 5.3
precipe sekvas, ke la agnosko de la sciencista grado kaj titolo
,,Doctor ... habilitatus`` ne inkluzivas la havigon de la instrurajto (venia
legendi). La preceduro kondukanta al la instrurajto estas mallongigebla per la
habilitdoktorigxo kaj difinita en
cxapitro XI.
[RD 1.3,
5.3]
2.3 Se pro elstaraj meritoj estas agnoskita unu el la titoloj honorkauxze (kun
la aldono ,,honoris causa``), tiam ne okazas la ekzameno.
Detalojn preskribas
cxapitro IX.
3.2 Elekteblas kiel ekzamenfako (kerna aux kroma) nur fako, kiun reprezentas cxe AIS minimume unu (profesoro aux alia) docento. Por originalekzameno magistriga eblas elekti nur fakojn aux fakgrupojn (ekz. ,,komunikadsciencoj``), por kiuj jam ekzistas cxe AIS oficialigita instruplano.
3.3 Por subteni interfakan laboron eblas elekti kiel kernfakon (t.e. fakon, en kiu radikas la temo de la scienca laborajxo) fakgrupon kaj aldoni unu aux (kaze de studado cele magistrigxon) du kromfakojn ne najbarajn al la kernfako (aux inter si). Kiel alia ekstremo de la gamo de akceptebla specialigxo oni povas, anstataux tiaj vastaj studadoj, ankaux male -- cele tre profundan specialigxon kaze de studadoj celantaj magistrigxon aux doktorigxon -- elekti limigitan kernfakon kaj aldoni al gxi specialkampon el gxi kiel (kaze de magistrigxo duoblan) kromfakon, kiu tiukaze farigxas pliprofundigxfako. Nemalhavebla estas nur la plenumo de la studadamplekso preskribita per la regularo pri instruado kaj studado.
3.4 La sciencista grado kaj titolo agnoskita estas fake precizigita per la
indiko de la sekcio, kiu flegas la elektitan kernfakon (aux la elektitan kernon
de la fakgrupo elektita kiel kernfako), nome al la sekcio
1 (kibernetiko) per ,,scientiarum cyberneticarum`` (,,pri
kibernetiko``) -- mallonge: sc.cyb.
2 (humanistiko) per ,,scientiarum humanarum`` (,,pri
humanistiko``) -- mallonge: sc.hum.
3 (strukturscienco) per ,,scientiarum structuralium`` (,,pri
struktursciencoj``) -- mallonge: sc.strct.
4 (filozofio) per ,,scientiarum philosophicarum`` (,,pri
filozofio``) -- mallonge: sc.phil.
5 (natursciencoj) per ,,scientiarum naturalium`` (,,pri
natursciencoj``) -- mallonge: sc.nat.
6 (morfosciencoj) per ,,scientiarum morphologicarum`` (,,pri
morfosciencoj``) -- mallonge sc.morph.
La kvinlingva dokumento kaj la same kvinlingva ekzamenatesto sciigas la
kernfakon internacilingve.
4.2 Cxi tiu ekzamenregularo ekvalidis laux AS 13.2 kiel
kompletigo de la regularo pri instruado kaj studado.
5.2 La senato alvokas el cxiuj 6 sekcioj por la dauxro de sia dejxortempo po unu konstantan membron en la ekzamenoficon; po unu plua estu elektita komence de SUS el inter la SUS-partoprenantaj docentoj.
5.3 La kunsidojn de la ekzamenofico gvidas la direktoro, aux se tio ne eblas,
la vicdirektoro. En la necxeesto de ambaux la sekretario de la
senato (ecx sen aparteneco al la ekzamenofico) gvidas. Kaze de necxeesto de
cxiuj menciitaj respondeculoj la cxeestantoj elektas el inter si
kunvengvidanton.
6.2 Cxiu ekzamenkomitato devas esti internacie kaj estu lauxeble interfake kunmetita. Gxi reprezentu almenaux tri naciojn (lingvoregionojn). Krom la reprezentantoj de la sekcio, kiuj flegas la kernfakon (la elektitan kernon de fakgrupo), apartenu al la komitato po minimume unu reprezentanto de almenaux du aliaj sekcioj de AIS. La kromfako (kaze de nivelsxtupoj 2 aux 3) aux la kromfakoj (kaze de nivelsxtupoj 2) estu reprezentitaj en la ekzamenkomitato.
6.3 Nur rajtas aparteni al ekzamenkomitato
(1) efektivaj membroj de AIS,
(2) adjunktoj de AIS, kiuj almenaux nacinivele havas la koncernan (aux pli
altan) sciencistan gradon,
(3) invititaj prijugxintoj de la scienca laborajxo, ecx se ili ne apartenas al
AIS kaj/aux ne mem havas la koncernan sciencistan gradon,
(4) eventualaj oficialuloj de la instanco rajtiga je havigo de originala
titolo.
6.4 Se la kandidato proponas por la ekzamenkomitato profesorojn de la sekcio fleganta la kernfakon, kaj se ili pretas partopreni en la ekzameno, tiam la propono estas akceptenda tiomgrade, kiom eblas sen malhelpo por plenumi la aliajn preskribojn pri la konsisto de la ekzamenkomitato.
6.5 La ekzamenkomitato elektas membron kiel gvidanton kaj alian membron kiel protokolanton. Ambaux apartenu al la respondeca sekcio kaj estu efektivaj membroj.
8.2 Surbaze de la submetitaj atestoj estas ekzamenenda, cxu la miminume necesaj studadlaboroj laux IS 7.8 estas plenumitaj.
La ekzamenofico rajtas eventuale rezigni pri ekzameno en kromfako, se la koncernaj kapabloj kaj meritoj de la kandidato jam alikauxze estas evidentaj.
8.3 Studunuoj por kromfako de la magistrecekzameno povas jam esti akiritaj antaux la bakalauxrecekzameno. Fako, kies sukcesplenan kompletigon certigas la atesto de la magistrecekzameno, estas agnoskebla sen nova ekzameno kiel kromfako de doktorecekzameno. Kiel kromfakoj de magistrec- aux doktorecekzamenoj estas agnoskeblaj ankaux aliloke kompletigitaj studfakoj; kiel jam kompletigita duobla kromfako de dua magistrecstudado povas roli tamen nur la kernfako de jam sukcese trapasita magistrec- aux doktorecekzameno.
8.4 Studadkompletigo realigita cxe alia kleriginstitucio sur iu nivelsxtupo
(1-4) povas esti adapte adoptita, se surbaze de la dosiero supozindas, ke
(1) antauxiris kompletigo sur la senpere malplialta sxtupo, kaj ke
(2) studunuoj estas akiritaj en amplekso ne esence
malpli granda ol postulita por originala ekzameno cxe AIS.
(Lauxbezone la ekzamenofico fiksas -- aldone al la postuloj de IS 8.4 -- la
ankoraux plenumendajn studojn necesajn por la adapto.
Precipe necesas prezenti sciencan laborajxon, se tio ne jam necesis por la
aliloka akiro de sciencista grado.)
Se ne eblas pruvi per ekzamenatesto aux alia dokumento, ke studado sur senpere
pli malalta nivelo estas sukcese kompletigita (ekz. en la kazo de doktorigxo
sen ekzameno almenaux egalnivela al la magistrecekzameno, aux kaze de kompletigo
sur nivelsxtupo 2 sen ekzameno almenaux egalnivela al la bakalauxrecekzameno),
tiam adapta adopto nur eblas, se surbaze de la studadcertigiloj kaj la aliaj
fakaj laboroj de la kandidato ne ekzistas dubo pri tio, ke nek la scienca
nivelo atestita per la aliloke akirita sciencista grado, nek la tuto de la
studad- kaj alia faklaboro de la kandidato malsuperas la postulojn starigitajn
fare de cxi tiu ekzamenregularo por la koncerna nivelsxtupo. Tia decido de
la ekzamenofico devas -- kune kun la motivoj -- eniri la ekzamendosieron.
8.5 Estas kontrolenda, cxu la skriba ekzameno en la kernfako kaj la fakekzamenoj en cxiu eventuala kromfako estas sukcese trapasita cxe AIS, aux cxu anstatauxe estas agnoskebla laux art. 8.3 de la instru- kaj studadregularo aux laux art. 8.3-8.4 de cxi tiu ekzamenregularo aliloka kompletigita studado. Nekaze la realigo de la ankoraux manka ekzameno estas organizenda kune kun la koncerna sekcio.
8.6 Cele prijugxon de la scienca laborajxo estas necese peti -- lauxeble de
apartenantoj de AIS -- pri ekspertizoj: unu suficxas kaze de bakalauxrigx- aux
magistrigxlaborajxoj, almenaux du necesas kaze de disertacio por iu
doktorecsxtupo. Kaze de reekzamenoj anstatauxe eblas agnoski la ekspertizojn de
la gvidantoj kaj originalaj prijugxintoj aux de samlandaj fakuloj.
9.2 Kandidatigxo pri objektigita kurso okazas cxe la ekzamenofico aux cxe ekzamenonto skribe petata de la ekzamenofico organizi la ekzamenon.
Artikolo 10: Temopropono por scienca laborajxo
10.1 La kandidato interkonsentu pri temo de scienca laborajxo por
nivelsxtupo 1-3 kun patronanto, kiu estas efektiva membro de AIS, antauxvidas
surbaze de la gxisnuna faka laboro de la kandidato sukcesplenan pritrakton de
la temo, pretas poste verki ekspertizon pri la laborajxo, kaj -- kaze de
disertacio -- pretas sercxi kompetentan duan ekspertiziston. Ankaux eblas, ke la
kandidato sercxas por sia jam preta laborajxo inter la efektivaj membroj de AIS
ekspertizistojn.
10.2 Por disertacio (nivelsxtupo 3 aux 4) kandidato povas anonci temon kaj klarigi gxin per samtitola projektakceptiga prelego kadre de SUS cele interesigon de almenaux du ekspertizistoj. La prelego kaj diskuto okazu en ILo; alie komunikad-eduka kotizo laux AK 1 estas pagenda.
10.3 Pri temo kaj enhavplano de disertacio por habilitdoktorigxo, pri la proksimuma tempointervalo gxis la pretigo, kaj pri du ekspertizistoj interkonsento necesas kun la dekano de la koncernata sekcio aux kun la fakaestro de la koncerna fakaro.
10.4 La scienca laborajxo estas havigenda en du (nivelsxtupoj 1 aux 2) aux tri (nivelsxtupoj 3 aux 4) ekzempleroj nur post la permeso de la patrono aux kun la apogo de alia ekspertizisto. Almenaux unu ekzemplero devas esti bone kopiebla. Samtempe la kandidato povas anonci sin al la fina ekzameno. Se li tion ne faras, tiam li devas pagi ekspertizkotizon laux apendico 1 al la kotizregularo. La kotizo ne estos repagata se la kandiato retiras sian laborajxon. -- Suficxas havigi nur unu ekzempleron de sciena laborajxo, kiu jam aliloke estas akceptita kiel parto de sukcesa kandidatigxo sur la egala nivelsxtupo (kaze de adapta adopto).
11.2 La fakekzamenoj okazas normale en la loka kaj tempa kadro de SUS.
11.3 La kandidatigxo por fakekzameno okazas plej malfrue 5 monatojn antaux la tempointervalo antauxvidita por ekzamenoj. La finekzameno povas jam okazi en la sama tempointervalo. Se gxi pli malfrue okazas, tiam estas pagenda por cxiu fakekzameno kotizo je 2 AKU.
11.4 Kandidatigxante oni indiku la specialajxo(j)n en kiu(j)n oni
pliprofundigxis kaj oni proponu 2-3 kompetentajn
fakekzamenistojn, kiuj pretas partopreni la ekzamenon, apartenas al la Scienca
Sektoro de AIS kaj ne estu cxiuj samnaciuloj. Almenaux unu el ili devas esti
efektiva membro. Se la ekzamenofico elektas alian ekzameniston, la kandidato
devas esti senprokraste informita pri tio; kaze de anstatauxo de proponita
efektiva membro necesas sciigi la kialon al la kandidato.
Artikolo 12: Kandidatigxo por la finekzameno
12.1 La kandidatigxo por la finekzameno okazu plej malfrue 5 monatojn antaux la
malfermo de la SUS en kies kadro la ekzameno realigxu. Samtempe la
ekzamenkotizo laux AK 1 pagendas.
La kotizo inkluzivas la eventualajn fakekzamenojn okazantajn dum la sama
tempointervalo kaj la prijugxon de la scienca laborajxo. De la kotizo estos
rapagata la duono, se la kandidato retirigxas plej malfrue 2 monatojn antaux la
tempointervalo de la ekzamenoj, alikaze neniom.
La ekzamenofico povas krediti la pagitan kotizon tute aux parte favore al
eventuala kandidatigxo por unu el la du sekvantaj ekzamentempointervaloj.
12.2 Kaze de tro malfrua kandiatigxo estas pagenda malfruigxkotizo laux AK 1, se la ekzamenofico ankoraux akceptas la kandiatigxon; tion oni ne rajtas pretendi.
12.3 La kandiatigxo estu anoncata al la ekzamenofico (kun kopio sendenda al la prezidanta sekretariejo) per komplete plenigita kandidatletera formularo. Kaze, ke la plenigo estas ne kompleta aux evidente malvera same kiel kaze de forstreko de iu el la postulitaj asertoj, la ekzamenofico rajtas postuli novan plenigon.
12.4 Aldonendas al la kandidatletero
(1) la dokumento pri la necesa antauxa studado kompletigita sur la senpere
malpli alta aux la sama sxtupo (eventuale kun traduko en oficialan lingvon de
AIS),
(2) la scienca laborajxo kune kun (a) po unu informricxa, denslinia,
kopiebla resumo (po 1-5%n de la amplekso) en ILo,
(b) la sciigo de nomo kaj adreso de la patrono kaj eventuale de la dua
ekspertizisto, kaj (c) lauxeble kopio de ekspertizo (anstatauxe eblas aldoni
rajtigilon peti gxin de aliloke),
(3) memverkita vivpriskribo en ILo, reliefigante precipe
la sciencan karieron kaj lauxplacxe (kaze de nivelsxtupo 4 devige) aldonante
liston de la propraj sciencaj publikajxoj,
(4) pruviloj de la legkapablo en ILo kaj de la kontentiga komunikadkapablo en
almenaux unu el la kvin oficialaj lingvoj de AIS, kiu ne estas gepatra lingvo
de la kandidato (cxi tion pruvi eblas ankoraux senpere antaux la finekzameno),
(5) pruvilo de suficxaj studadlaboroj kaj ekzamenrezultoj,
(6) eventuale atestoj pri jam sukcese trapasitaj fakekzamenoj (se ili ne
okazu dum la sama ekzamentempointervalo, aux se ne nur reekzameno por adapta
adopto estas celita),
(7) sciigo, cxu kaj jeskaze kiam, kie kaj pro kiu jura fakto okazis kondamno
pro plenumita krimo,
(8) deklaro, ke la ekzamenregularo estas konata,
(9) deklaro, cxu la sama aux enhave simila disertacio jam estas rifuzita de alia
institucio aux cxu doktorigxklopodo, al kiu tiu disertacio servis, fiaskis.
(10) konfirmo de docento (gxis nivelsxtupo 2) resp. de efektiva
membro de AIS (ek de nivelsxtupo 3) pri la suficxa nivelo
de la scienca laborajxo originale prezentata (pri scienca laborajxo jam
nacinivele prijugxita suficxas kaze de adapta adopto konfirmo de sciencisto el
la lando en kiu la prijugxo okazis).
Motivige petite la ekzamenofico povas permesi la postsendadon de parto de la
aldonajxoj dum deca tempo. Petante tion oni aldonu al la pagenda ekzamenkotizo
la malfruigx-kotizeton laux AK 1.
13.2 Necesas informi la kandidaton okaze de la akcepto al la finekzameno, se
la kandiatigxo nur eblas por alia ol la sekcio antauxvidita de li, aux se pro
formalaj kialoj li nur povas certi, ke post sukceso en la ekzameno li nur
povas ricevi la ateston prie sed ne (tuj) la dokumenton pri la agnosko de la
koncernata sciencista grado kaj titolo.
14.2 La kandiato pruvas antaux la komenco de la ekzameno sian identecon per sia pasporto aux identigilo. La numero estas protokolenda.
14.3 La ekzameno okazas en ILo, se ne alia lingvo estas temo de la ekzameno tiel ke la uzado de cxi tiu lingvo ankaux por la ekzameno estas legitima.
14.4 La malfacileco de la ekzameno pri la kernfako same kiel en la finekzameno
devas esti konforma al la nivelsxtupo de la aspirata sciencista grado
kaj titolo. Se la kondicxo de adekvata malfacileco estas plemumita, la
kandidato, kiu kompletigis la antauxkondicxitan studadon en cxi tiu fako
almenaux per la kompetenteco 7/10 (cum laude), rajtu esperi, ke li
akiros dum la lauxregula studadtempo la sciojn kaj kapablojn suficxajn por
sukcese trapasi la ekzamenon.
15.2 La kandidato mem elektas unu el la taskoj, kiujn li ricevis, kaj pritraktas gxin observite dum la fiksita ekzamentempo uzante nur la rimedojn, kiujn oni bontempe menciis aux havigis al li kiel permesitaj rimedoj.
15.3 La taskoauxtoro prijugxas la pritrakton per noto inter 0 kaj 1 en dekonoj.
Kaze de la prijugxo per 10/10 la ekzamenofico rajtas peti kroman prijugxon
fare de fake kompetenta dua ekspertizisto kaj uzi la aritmon de ambaux notoj.
Kaze de prijugxo malpli bona ol 6/10 la kandidato rajtas postuli la prijugxon
ankaux fare de dua ekspertizisto kaj proponi tian al la ekzamenofico;
la ekzamenofico
povas sen sciigi kialojn apogi sin anstatauxe sur alian duan ekspertiziston; se
la aritmo de la rezultaj notoj ne estas minimume 12/20, tiam la kandidato
malsukcesis en la ekzameno.
16.2 Pri la parola ekzamenparto estas verkenda konciza protokolo. Gxi enhavas la notojn, kiujn donis la unuopaj ekzamenistoj, kaj la aritman noton en entjeraj dudekonoj aux tridekonoj.
16.3 Cxiuj 2 - 3 ekzamenistoj de parola ekzameno devas persone cxeesti; en la kazo de malhelpo aux estas bezonata anstatauxanto, aux la ekzameno okazu disigite sed en la cxeesto de observanto, kiu verkas la protokolon de ambaux partoj.
17.2 Empiraj laborajxoj povas grandparte konsisti el tabeloj, bildoj kaj auxdvidaj aldonajxoj. Konstrukciaj laborajxoj povas esti kompletigitaj per programoj, aparatoj, formigoj ktp. Tamen la pensa kernlaboro devas esti trovebla en la tekstparto de la scienca laborajxo.
17.3 La scienca laborajxo povas esti jam antauxe publicita. Tiukaze gxi povas ankaux konsisti el kunigitaj unuopaj publikajxoj, kiuj havas internan interrilaton kaj kune plenumas la postulojn starigendajn pri scienca laborajxo por la koncerna nivelsxtupo; normale resumo klarigu la interrilaton inter la disaj rezultoj. Krome validas la preskriboj de art. 17.1.
17.4 Scienca laborajxo por la nivelsxtupo 2-4 povas ankaux konsisti el la solvo
de kompleksa problemo per esplorgrupo. Tamen cxiu partoprenanto devas cxikaze,
(1) esti tiom kontribuinta, kiom necesas por propra scienca laborajxo suficxa
por la koncerna nivelsxtupo,
(2) prezenti propran tekston, kiu ne plejgrandparte estas lauxvorte identa kun
la teksto de alia membro de la grupo, kaj
(3) reliefigi en sia teksto kaj en ties resumo la propran kontribuon kaj ties
gravecon por la komuna laboro.
En la finekzameno cxiu partopreninto devas esti kapabla klarigi la tutan
projekton rilate celon, aligxmanieron, metodon kaj rezulton. -- Krome validas
la preskriboj de art. 17.1.
17.5 Kaze de adapta adopto la originala laborajxo estas akceptebla rezignante
pri la lingvaj preskriboj de art. 17.1, sed necesas aldoni po unu denslinian,
informricxan resumon (1-5%) en ILo kaj dua oficiala lingvo de AIS aux
de filio de AIS. Se la originala laborajxo agxas pli ol 20 jarojn,
estas en la kazoj de la nivelsxtupoj 3 kaj 4 aldonenda almenaux unu pli
nova publikajxo de la kandidato el la laborkampo de la sama sekcio,
eventuale kune kun resumo en ILo, se cxi tiu
publikajxo ne estas en oficiala lingvo de AIS.
18.2 Per la scienca laborajxo por la nivelsxtupo 2 (magistrigxtezo) la kandidato pruvas per la ekzemplo de sia temo, kies pritrakto plemumas esence pli altajn postulojn ol temo de la nivelsxtupo 1, ke li kapablas cxerpi memstare el diversaj publikajxoj de la fakliteraturo la jam ekzistajn metodojn kaj sciencajn eksciojn, per kiuj starigita scienca problemo estas solvebla, kaj ke li kapablas, per memstara kombino de cxi tiuj metodoj kaj ekscioj trovi la solvon aux alproksimigxi al gxi. La temo povas esti problemo, por kiu jam ekzistas solvoj por aliaj kazoj, sed ankaux interrilatoj inter disaj ekscioj aux la kombino de cxi tiuj al nova ekscio, aux la lauxmetoda trovo de novaj empiriaj rezulteroj utilaj kadre de teorio.
18.3 Per scienca laborajxo por nivelsxtupo 3 (doktorigxdisertacio) la kandidato pruvas per la ekzemplo de sia temo, kies pritrakto plenumas esence pli altajn postulojn ol temo de la nivelsxtupo 2, ke li kapablas per propra esploro, kvankam kun konsilado flanke de sperta esploristo, en scienca specialkampo pliricxigi la hodiauxan scion, aux malfermi novajn sciencajn eksciojn per starigo de interfakaj kunligoj.
18.4 Per sia scienca laborajxo por nivelsxtupo 4 (habilitdoktorigxdisertacio) la kandidato pruvas sian kapablon memstare realigi sciencajn esplorojn en ne malvasta sciencokampo, sian superrigardon super cxi tiu kampo, kaj sian kapablon gxin limigi disde aliaj kampoj, klarigi gxian rolon en la socikultura kadro, kaj starigi en tiu sciencokampo novajn sciencajn problemojn. La propra scienca kontribuo povas konsisti cxu en la solvo de malfacila specialproblemo, cxu en kontribuo al nova strukturigo de sciencobrancxo per kreiva kombino de pluraj disaj problemoj, metodoj kaj ekscioj.
18.5 Rilate la (netan) tempobezonon supozendan (nur) por la enhava kaj vortiga
realigo de scienca laborajxo de kandidato, kiu jam kompletigis la fakstudadon
sur la antauxkondicxenda nivelsxtupo per mezuma ekzamenrezulto (cx. 8/10),
RD 3.4 supozigas
(1) 2-4 netajn laborsemajnojn kaze de nivelsxtupo 1,
(2) 8-15 netajn laborsemajnojn kaze de nivelsxtupo 2,
(3) 18-34 netajn laborsemajnojn kaze de nivelsxtupo 3,
(4) 60-110 netajn laborsemajnojn kaze de nivelsxtupo 4.
La reala dauxro (en kalendarsemajnoj) plilongigxas almenaux pro la samtempa
studadlaboro en kursoj, ecx se la studento laboras koncentrite. La temo de la
scienca laborajxo por la senpere pli alta sxtupo povas esti plivastigo aux
pliprofundigo de la jam prilaborita temo; tio reduktas la supozendan
tempobezonon konforme al la amplekso de cxi tiu preparlaboro.
18.6 La vortigo de la scienca laborajxo evitu senutilan redundancon, tiel ke
la esenca teksto (sen antauxparolo, skeletigo, literaturlisto kaj eventualaj
apendicaj tabeloj, programoj ktp.) havu kaze de la nomotetaj sekcioj (I, III, V)
en ILo amplekson inter la jenaj limoj:
(1) por la nivelsxtupo 1: 10-30 kolumnoj,
(2) por la nivelsxtupo 2: 40-120 kolumnoj,
(3) por la nivelsxtupo 3: 60-180 kolumnoj,
(4) por la nivelsxtupo 4: 100-300 kolumnoj.
Kaze de sciencaj laborajxoj por ideografa sekcio (II, IV, VI) la duobloj de
cxi tiuj limoj servu por orientigxi. Kaze de la vortigo en ILo la
litergrandeco kaj la interspaco estu elektitaj tiel, ke neta kolumno (sen
formuloj, bildoj kaj tabeloj) enhavu cx. 1600 skribmasxinajn signojn.
19.2 Al kandidatoj, de kiuj tezo por la nivelsxtupo 1 aux 2 estas akceptita kun noto almenaux 8/10, oni rekomendu elpreni la esencon por publikajxo en popularscienca (kaze de nivelsxtupo 1) aux scienca (kaze de nivelsxtupo2) revuo, kaj tie mencii la fakton, ke la baza laborajxo estas akceptita flanke de AIS.
19.3 Disertacioj akceptitaj flanke de AIS por originala special- aux
habilitdoktorigo estu publikigotaj dum 3 jaroj, plemuninte eventualajn
sxangxpostulojn de la ekspertizistoj kun la aprobo flanke de la koncerna
finekzamena komitato. La auxtoro disponigu al AIS 6 ekzemplerojn de cxi
tiu publikajxo. Se publikigo ne okazas, tiam estas havigendaj de la
eventuale sxangxita teksto 6 binditaj kopioj. AIS rajtas antaux la
transdono de la agnoskodokumento postuli kiel
garantiajxon laux AK 1, kiun gxi kvitancas kaj
redonas komplete post bontempa havigo de la devigaj disertaciekzempleroj.
CXAPITRO VII: FINEKZAMENO
Artikolo 20: Anonco
20.2 La fina ekzameno okazas kadre de SUS kiel kandidatprelego kun sekvanta
diskuto. Konforme al IS 9.4 la SUS-aligxintoj estas invitendaj.
20.2 La temo de la kandidatprelego povas sed ne devas koincidi kun la temo de la scienca laborajxo aux de aldonita posta publikajxo.
20.3 Ankaux interesitoj, kiuj ne aligxis al SUS, povas observi la finan
ekzamenon.
21.2 Ne estas akceptebla prelego malplilongdauxra ol 10 minutojn por la nivelsxtupo 1, 15 por la nivelsxtupo 2 aux 3, 20 minutojn por la nivelsxtupo 4.
21.3 Normale ankaux la sekvanta diskulto okazas en ILo. La kandidato povas plej
malfrue du tagojn antaux la ekzameno postuli (sed ne por la nivelsxtupo 4),
(1) la rajton respondi en alia oficiala lingvo de AIS aux de la
filio kie SUS okazas, aux krom tio
(2) la rajton esti pridemandata en cxi tiu alia lingvo aux ricevi tradukon en
gxin, se demando estis en ILo.
Starigante tian postulon estas pagenda la komunikadeduka kontribuo
laux AK 1.
21.4 La tuta ekzamendauxro (por prelego kaj diskuto) estu normale 30 minutoj por la nivelsxtupo 1, 45 minutoj por la nivelsxtupo 2, kaj 60 minutoj por la nivelsxtupoj 3 kaj 4. Oni antauxvidu pliajn 15 minutojn, se la kandidato postulis nacilingvan tradukon de demandoj starigitaj en ILo.
21.5 La kandidato planu sian prelegon tiel, ke por la diskuto restu normale
almenaux 10 minutoj, kaze de eventuale necesa traduko en nacilingvon almenaux
25 minutoj.
22.2 Kandidato, kiu postulis nacilingvan diskuton de sia prelego, devas prezenti certigon de sia legkabpablo en ILo flanke de organizo, kies tiurilatajn certigojn AIS auxtomate agnoskas pro interkonsento. Anstatauxe eblas prezenti ateston pri sukcesa kursfinekzameneto de ILo-kurso por sciencistoj kiun la kandidato partoprenis dum SUS.
22.3 Pri la komunikadkapablo en oficiala etna lingvo de AIS aux de la koncerna filio de AIS, kiu ne estas gepatra lingvo de la kandidato, cxiu apartenanto de AIS, pri kies gepatra lingvo temas kaj kiu en gxi fake konversaciis kun la kandidato, povas subskribi ne formalan ateston. En la atesto pri la fina ekzameno ne estu menciitaj eventualaj scioj de aliaj lingvoj ol la gepatra lingvo de la kandidato, ILo, la lingvo uzita por la scienca laborajxo kaj la lingvoj pri kies scioj la kandidato havigis atestojn kiel menciite.
22.4 Necesas prezenti la pasporton aux identigilon de la kandidato; la numero
estas mencienda en la protokolo.
23.2 Post la kandidatprelego okazas la diskuto kun la membroj de la ekzamenkomitato. Se fine restas tempo, la gvidanto rajtas akcepti ankaux demandojn el la observantaro.
23.3 Post la diskuto la ekzamenkomitato interkonsiligxas pri la rezulto. De la observantaro rajtas cxeesti nur la personoj difinitaj en art. 16.1. Cxiu membro de la ekzamenkomitato esprimas sian prijugxon per poentoj inter 0 kaj 10. Krom la enhavo de la kandidatprelego kaj la diskuto oni konsideru ankaux la sciencan laborajxon, la aliajn studadlaborojn kaj ekzamenrezultojn kaj la lingvan esprimkapablon. Se la kandidato estas postulinta antauxe diskuton tute aux parte en etna lingvo oni ne rajtas nur pro tiu nesuficxa esprimkapablo en ILo agnoski al li malpli ol 6 poentojn. Inverse en tia kazo oni ecx pro tre bonaj fakscioj normale ne donu 10 poentojn. Se cxeestanto postulas kasxitan prijugxon, tiam cxiuj donu kasxite siajn poentojn. Al la sumo oni adiciu la poentojn de la malcxeestaj komitatanoj kaj transformu kaze de finekzamenoj sur la nivelsxtupoj 1 kaj 4 entjeraj sesdekonoj, kaze de finekzamenoj sur la du interaj nivelsxtupoj al entjeraj centdekonoj; ne entjeran rezulton oni rondigu malsupren.
23.4 La ekzameno ne estas sukcese trapasita se la noto ne estas minimume 36/60 = 66/110. Kaze de sukcese trapasita ekzameno la latina notovortigo estas ,,rite`` se la rezulto malsuperas 42/60 = 77/110, ,,cum laude`` por almenaux tiom alta sed 48/60 = 88/110 malsuperanta rezulto, ,,magna cum laude`` por almenaux tiom alta sed 54/60 = 99/110 malsuperanta rezulto, kaj alikaze ,,summa cum laude``. Se kaze de adapta adopto la ekzameno ne estas sukcese trapasita, tiam oni ripetu la prijugxon supozante ke la kandidato aspiris la senpere malpli altan sciencistan gradon; eventuale oni agnosku cxi tiun.
23.5 Se pro la rezultinta noto la ekzameno estas ja sukcese trapasita, sed
almenaux unu komitatano konstatas mankon, kiu malhelpas la tujan havigon de la
atesto kaj tial devas farigxi objekto de decido de la ekzamenofico, aux se la
ekzameno ne estas sukcese trapasita por la celita grado, tiam post la
interkonsiligxo estas neuxtralforme sciigenda, ke la komitato ankoraux ne povas
konstati rezulton sed unue devas reparoli kun la kandidato. Alikaze oni
gratulu la kandidaton en la cxeesto de la observintoj. Oni povas diskonigi la
noton.
24.2 Se membro de la ekzamenkomitato estas konstatinta mankon, tiam la ekzamenofico povas postuli de la kandidato forigi la mankon antaux la subskribo de la atesto aux pretigo de la dokumento. En kazo de dubo ekestu decido per plejmulto; la kandidato havas protestrajton cxe la senato.
24.3 La pretigo de la atesto finas la ekzamenproceduron kaj per gxi la
studadkompletigon por la koncerna nivelsxtupo. La ekzamendosiero estas
konservenda almenaux 5 jarojn.
CXAPITRO VIII: STUDENTIGXO KAJ ATESTARO
25.2 La kandidato surlistigas la aldonendajn pruvilojn de siaj sificxaj studadlaboroj aldonante la nombron de la studunuoj administraj kaj rezultaj laux AK 3 kaj la akiritajn notojn. La ekzamenofico kontrolas la gxustecon kaj konfirmas sur la listo, ka la registrigxkostoj estas pagitaj kaj ke la agnoskitaj studadlaboroj suficxas por la studadcelo. La listo servos kiel privilo en la senco de art. 12.4 (5). Se la kandidato ne prezentas kontroleblan liston, la kotizo por tia resuma registrado farenda de la ekzamenofico ampleksas 0,5 AKU.
25.3 La agnoskeblon de prezentitaj unuopaj atestoj certigas stampe
la ekzamenofico. Post uzado de la studunuoj por pruvilo laux 12.4 (5) kaj 25.2 la
celita ekzameno estas notenda sur la atesto por malebligi nelegitiman
duan uzon.
CXAPITRO IX: HONORKAUZAJ TITOLOJ
26.2 Efektiva membro de AIS ne povas esti honorata. La honoroto devas
plenumi justagrade kvar kondicxojn:
(1) Li devas unuavice esti inda je honorado, kaj tio
(a) kaj pro siaj moralaj kvalitoj,
(b) kaj pro siaj elstaraj fakaj (kvankam ne nepre sciencaj) meritoj.
(2) Li devas krom tio meriti ke speciale AIS lin honoros, cxar li
persiste kaj eksterordinare subtenadis la celojn de AIS
(a) kaj per sia propra konforma agado por la internacia scienca komunikado
(en aux ekster AIS),
(b) kaj per elvoko de tiucele valora helpo de aliuloj.
La grado honorkauxze agnoskebla dependas de la scienca kaj iniciata nivelo de
la honorata agado; gxi orientigxu laux la nivelo postulata por la tezo de la
respektiva scienca grado.
26.3 La meritoj de la honoroto estas menciitaj en la honordokumento kaj detaligitaj en la lauxdado vocxlegata dum la solena malfermo aux fermo de SUS.
26.4 Se nenio kontrauxa estas decidita kaj se la honoroto ne jam havas pli
altan rangon en la scienca sektoro de AIS, tiam li estas lige al la honorado
alvokota kiel Adjunkto Scienca (ASci.).
CXAPITRO X: AGNOSKO, RIFUZO, MALAGNOSKO, DISKONIGO
Artikolo 27: Agnosko
27.1 Post la sukcesa trapaso de la finekzameno eblas pretigi aldone al la
ekzamenatesto la kvinlingvan dokumenton pri la agnosko de la aspirita
sciencista grado kaj titolo, kondicxe ke cxi tiu grado (sub la sama aux alia
nomo) jam antaux la fina ekzameno estis akirita cxe aliloka, je titoldono
rajtigita institucio (kazo de la adapta adopto), aux ke pro la ekzameno
farigxis legitima la originala agnosko fare de AIS.
27.2 Kaze de honorkauxza agnosko de titolo anstataux la ekzamenatesto estas pretigata pligrandigita duoblajxo de la dokumento.
27.3 La transdono de la dokumento kaj eventuale de la atesto okazu kadre de malferma aux ferma ceremonio de SUS. Antaux la transdono de la dokumento gxi estu enregistrita en la registron, kiu estis legitime malfermita en la lando, en kiu la finekzameno okazis. Unu ekzemplero de la nova registrofolio estu kun subskribo de la prezidanto aux de la direktoro de la ekzamenofico kaj kun stampo de AIS senprokraste havigata al la sxtata instanco, cxe kiu la registro estis malfermata aux estas konservata, dua ekzempleron konservas AIS. Almenaux kaze de originalaj agnoskoj kaj plej malfrue post plenumo de art. 19.3 pluaj ekzempleroj estu aldonataj al la alilandaj registroj kaj la agnosko ankaux tie registrata.
27.4 La dokumenton subskribas la prezidanto aux la vicprezidanto de AIS.
28.2 Sukcesinta kandidato rajtas nur ricevi la ekzamenateston, sed ne dokumenton pri okazinta agnosko, se li estas legxoforte kondamnita pro krimo punebla kiel krimo ankaux en la Respubliko de San Marino kaj en la lando, en kiu la ekzameno okazis kaj ankoraux ne preskriptigxinta. Pri tio decidas la rajtigita sxtata instanco.
29.2 Malagnosko okazas, se en unuopa kazo pro kulpa sinteno de la
titolricevinto legxo de la Respubliko de San Marino kaj de la lando, en kiu
okazis la ekzameno tion postulas.
Artikolo 30: Diskonigo
30.1 La registrado en registron de la portantoj de sciencistaj gradoj kaj
titoloj, kiuj estas (en la de AIS agnoskita latina formo) uzeblaj en la
Respubliko de San Marino kaj en la landoj, en kiuj AIS havas filiojn, estas
publikigenda kiel oficiala sciigo de AIS. Ne eblas ricevi kopion de la
registro, sed ja notarian certigon de la okazinta registrado. Kadre de AIS nur
tiuj sciencistaj gradoj kaj titoloj estas meteblaj kiel aldono antaux la nomon kaj
post la rangotitolon, kiuj estas agnoskitaj de AIS (originale aux pro adapta
adopto). La pli alta grado en la sama fako absorbas la malplialtan. Dua
studadkompletigo sur la sama nivelsxtupo en la sama sekcio ne havigas kroman
sciencistan gradon kaj titolon, sed ja kondukas al faka plivastigo de la
gxisnuna. En la mallongigo la sekciindiko (,,sc ...``) estas forigebla. Se la
portanto de la titolo oficiale logxas en lando, en kiu speciala permeso estas
bezonata antaux ol oni rajtas publike uzi alilande akiritan sciencistan
gradon aux titolon, aux se li dependas pro sia sxtataneco de tia permeso, tiam
li mem povas peti pri tia permeso. Flanke de AIS ne okazas sciigo al
instanco, kiu ne malfermis aux konservas registron de AIS.
30.2 Lauxbezone la prezidanto aux en interkonsento kun li la vicprezidanto zorgas pri sxangxo de la mencio en la registro (ekz. pri sxangxo de nomo aux pri eventuala malagnosko).
30.3 La agnosko (kaj eventuala malagnosko) estas publikigenda en la oficialaj
sciigoj de AIS, menciante la nomon, oficialan logxlokon, naskigxtagon kaj
-lokon, la fakon kaj la dokumentonumeron.
31.2 La habilitdoktorigxo cxe AIS signifas la akiron de la sciencista grado ,,Doctor scientiarum ... habilitatus`` (Dr.sc ... habil.), kio ne inkluzivas la akiron de la plena instrurajto (venia legendi) kiel efektiva membro de AIS. Eblas habilitdoktorigxi sen antauxa docentigxo.
31.3 La docentigxo ne estas konsiderenda kiel studadkompletigo; gxi tial eblas sen akiro de studunuoj ja necesaj por la habilitdoktorigxo cxe AIS laux IS 8.
31.4 Ja per docentigxo sed ne per agnosko de habilitdoktoreco AIS atestas, ke la kandidato kapablas universitatnivele instrui al internacia studentaro la enhavon de sia ne malvasta sciencokampo, gxiajn limojn disde aliaj kampoj, kaj gxian rolon en la socikultura kadro.
31.5 La senato (laux RD 5.3) ja povas protesti -- ecx sen diskonigi argumentojn -- kontraux la docentigxo de kandidato, sed ne kontraux la lauxregulara agnosko de la sciencista grado kaj titolo ,,Dr.sc. ... habil.``.
31.6 Ja por la habilitdoktorigxo sed ne nepre por la docentigxo estas pagenda
ekzamenkotizo: kiu docentigxos laux unu el la vojoj I-III de RD 5.3,
aux post invito fare de la senato kaj la
dekano de la koncerna sekcio laux la vojo IV, tiu pagas nenian kotizon
tiucelan, aliaj kandidatoj nur la kotizon antauxviditan por la prijugxo de
originala scienca laborajxo sur nivelsxtupo 4 laux art. 10.4.
Artikolo 32: Senekzamena docentigxo
32.1 Kiam plenrajta membro de AIS estas skribe proponinta por docentigxo
scienciston, kiu plenumas la kondicxojn 1-3 de la docentigxovojo I difinita en
RD 5.3 (aux se ekestis surbaze de
la sama artikolo rezignodecido pri la plenumiteco cxu de la kondicxo 1 cxu de
la kondicxo 2), la prezidanto dum 3 monatoj devas komenci la formalan
docentigxproceduron preskribitan en la menciita artikolo.
32.2 Sub la kondicxoj meciitaj en art. 32.1 kandidatigxo ne necesas, kaj skriba
aux parola ekzameno ne okazu.
Artikolo 33: Mallongigita proceduro
33.1 Kiam la senato aux fake respondeca sekcio invitas al docentigxo
scienciston, kiu plenumas la kondicxojn 1-2 de la docentigxvojo II difinita en
RD 5.3 (aux se ekestis surbaze de
la sama artikolo rezignodecido pri la plenumiteco cxu de la kondicxo 1 cxu de
la kondicxo 2), tiu docentigxo povas okazi laux mallongigita proceduro difinita
en cxi tiu artikolo.
33.2 Kiu plenumas la kondicxojn 1-2 la docentigxvojo III difinita en RD 5.3 (aux por kiu okazis surbaze de la sama artikolo rezignodecido pri la plenumiteco cxu de la kondicxo 1 cxu de la kondicxo 2), tiu povas sen invito kandidatigxi laux la mallongigita proceduro difinita en cxi tiu artikolo.
33.3 La kandidato prezentu al la sekretario de AIS aux al la dekano de la
koncerna sekcio
(a) internacilingvan vivpriskribon, reliefigantan la sciencistan evoluon,
(b) liston de la sciencaj publikajxoj kun aldona traduko en ILon de tiuj
titoloj, kiuj ne estas en unu el la oficialaj lingvoj de AIS,
(c) originalon aux certigitan kopion de dokumento evidentiganta la naskigxdaton,
naskigxlokon, kompletan nomon kaj sxtatanecon -- kun traduko en ILon, se la
dokumento ne estas en unu el la oficialaj lingvoj de AIS,
(d) aserton pri nepuniteco pro krimo grava ankaux laux la legxaro de San Marino,
aux motivitan peton pri indulgo,
(e) originalon aux certigitan kopion de la atesto pri la universitata rango
suficxa por vojo II, se la docentigxo ne okazu laux vojo III,
(f) neformalan kandidatleteron kun propono, laux kiuj el la kondicxoj de
RD 5.3 la mallongigita proceduro estu legitima.
33.4 La kandidato transdonu al la dekano de la koncerna sekcio aux al la senata sekretario almenaux unu internacilingvan sciencan publikajxon sian aux almenaux kvin nacilingvajn tiajn pubikajxojn, al kiuj estas aldonitaj kunpublikigitaj resumoj en ILo.
33.5 Post kiam laux konstato de la koncerna dekano aux de senatano la kondicxoj el art. 33.3 kaj 33.4 estas plenumitaj, la kandidato prezentu dum SUS aux (kun aprobo de la senato) dum alia studadsesio de AIS internacilingvan publikan prelegon en la cxeesto de minimume tri membroj de la koncerna sekcikolegio aux de la senato.
33.6 Surbaze de konciza, skriba raporto de la dekano aux, laux peto de li aux de la senato, de profesoro de la koncerna sekcio pri la esplora kaj instrua kvalito de la kandidato, la efektivaj membroj de la sekcio vocxdonas asemblee aux perletere pri la aprobo. La docentigxo estas aprobita, se la jesaj vocxoj superas la neajn, kondicxe ke estas minimume tri jesaj vocxoj. La rezulto estu lauxeble tuj, plej malfrue dum 2 monatoj, sciigita al la prezidanto, kiu informas la senaton kaj alvokas la novan kolegon per oficiala kvinlingva alvokodokumento, se ne kontraux tio pli ol la duono de la senatanoj protestas. La alvoko okazu nur por limigita tempo, se tion rekomendas la sekcio aux la senato, sed minimume por 2 kompletaj kalendaraj jaroj.
33.7 Se la sekcio decidas nee, la kandidato rajtas postuli (cxu fare de la kolegio, cxu fare de la senato) novan decidon plej frue tri monatojn poste.
Artikolo 34: Plena proceduro
34.1 La kandidato prezentu la dokumetojn a gxis d menciitajn en artikolo 33.3.
Li krome pruvu, ke li aux jam akiris la doktorecon origine aux per adapta adopto
cxe AIS, aux ke li jam realigis almenaux unu universitatnivelan kurson
ampleksantan minimume 8 instruhorojn en ajna universitatnivela instruejo en la
mondo kaj internacilingvan universitatnivelan kurson okazigitan de AIS.
34.2 La kandidato prezentu docentigxtezon en 6 ekzempleroj. La tezo estu tajpita
sur formaton A4 aux prezita laux formato A5 en du kolumnoj, kiuj paraleligas
(krom kaze de formuloj, bildoj kaj tabeloj) la tekston en ILo kaj en dua
lingvo elektebla fare de la kandidato inter la lingvoj, en kiuj ekzistas
scienca literaturo. La teksto estu konciza sed komprenebla fare de cxifake
magistrigxintaj studentoj. La amplekso konformu al la rekomendoj de artikolo
18.6 por la nivelsxtupo 4. Aldonigxu al tiu amplekso
(a) je la komenco enkonduka cxapitro minimume 5-pagxa, kiu klarigu laux la
vidpunkto de la kandidato en maniero komprenebla por sciencistoj de cxiuj
fakoj de la koncerna sekcio la socian kaj sciencteorian pozicion de la fako
de docentigxo kaj la rolon de la pritraktota specialajxo en cxi fako,
(b) je la fino 2-4-pagxa resumo en tria lingvo elektenda inter la oficialaj
lingvoj de AIS; la resumo esprimu, ne nur aludu, la esencan enhavon de la
docentigxtezo,
(c) skeletigo, literaturlisto, eventuale mallonga antauxparolo, kaj eventuale
apendicaj tabeloj, programoj ktp. -- Enhave la docentigxtezo plenumu la
postulojn de art. 18.4.
34.3 Post kiam laux konstato de la koncerna dekano aux de (vic)senatano la postuloj de artikoloj 34.1 kaj 34.2 estas plenumitaj, la kandidato prezentu dum SUS (aux, kun la aprobo de la senato, dum alia studadsesio de AIS) 8-horan universitatnivelan kurson en ILo. Kun la aprobo de la senato tiu cxi kurso jam povas okazi antaux la kompletigo de la docentigxtezo, se la kandidato jam akiris cxe AIS origine aux per adapta adopto la doktorecon kaj se pri la docentigxtezo jam estas havigitaj almenaux temo, skeletigo, provizora resumo kaj enkonduka cxapitro. Se ne certas, ke almenaux 2 studentoj partoprenos la kurson, aux se la kandidato pruvas, ke li tiom aplekse jam instruis universitatnivele aliloke, aux se pro alia kialo la koncerna dekano aux la senato aux la docentigxkomitato speciale starigita tion permesas, la kandidato rajtas anstataux kurson prezenti dum SUS publikan internacilingvan prelegon pri temo el la fako de la docentigxo en la cxeesto de minimume tri membroj de la koncerna sekcikolegio aux de la senato.
34.4 Artikoloj 33.6 kaj 33.7 validas ankaux kaze de la plena proceduro.
35.2 Ne cxiuj komitatanoj venu el la sama lando.
35.3 Almenaux tri komitatanoj estu efektivaj membroj de AIS aux universitatnivelaj profesoroj.
35.4 Almenaux du komitatanoj, inter kiuj almenaux unu estu universitatnivela docento, estu ekzamenitaj aux profesiaj fakuloj de la koncerna fako.
35.5 La fako nek povas esti samampleksa kiel la tuta laborkampo de la sekcio, nek aliflanke tro restrikta ol akcepteble kaze de universitatnivela studfako elektebla kiel almanaux malgranda kromfako de magistrigxo aux precipa fako de bakalauxrigxo. Kaze de plena proceduro la fako estu almenaux tiomampleksa, ke jam estas en AIS efektiva membro, kiu oficiale kompetentas pri almenaux parto de cxi tiu fako.
35.6 La komitato estu alvokita fare de la dekano, konsiderinte la eventualajn proponojn de la sekcianoj, de la senato kaj de la kandidato mem. Ne necesas, ke cxiuj komitatanoj estu alvokitaj samtempe, sed minimume 3 el ili minimume unu monaton antaux la docentigxprelego aux -kurso. Tiun cxi prelegon aux kurson minimume du komitatanoj persone devas cxeesti -- kaze de kurso dum minimume unu leciono.
35.7 La komitato interkonsentu pri komitatestro, kiu havigu koncizan raporton
pri la docentigxtezo kaj pri la docentigxkurso aux docentigxprelego laux la
prijugxo de la plejmulto de la komitato. Cxiu komitatano rajtas postuli la
aldonon de sia propra opinio. La raporto estu sendata al la koncerna dekano
kaj al la senato plej malfrue tri monatojn post kiam la docentigxtezo estas
dissendita kaj la docentigxkurso aux docentigxprelego farita. Ne eblas decidi
pri la sukceso de docentigxo laux plena proceduro antaux la ricevo de la raporto.
La prezidanto: OProf. Dr.habil. Helmar Frank