Regularo pri la internacia maturecekzameno (IM)
1.2 Al la ekzameno povas aligxi tiu, kiu
(1) en la jaro de la komenco de la ekzameno kompletis la 20an jaron de sia
vivo kaj skribe asertas ke li aux sxi ne jam trifoje sur nacia nivelo aux cxe la
AIS malsukcesis la maturecekzamenon,
(2) en siaj studraportoj montras ke li laux IS 7.8 (4 - 5) adekvate preparis
sin por la ekzameno.
1.3 Krom la gxenerala maturecekzameno eblas fari fakspecifan ekzamenon postulantan en la fako elektita profundajn sciojn kiajn oni kutime instruas en la unua semestro en universitatnivela institucio.
1.4 Ne rajtas partopreni tiu kiu jam estas allasita de alia instanco por fari maturecekzamenon sed ne estas kompletinta gxin. Antauxkondicxo por la allaso estas krome ke la peton akompanas la necesaj dokumentoj en plena amplekso, gxustatempe kaj suficxe detale 5 monatoj antaux la anoncita dato.
2.2 Samtempe farigxu evidente ke la ekzamenato suficxe okupigxis pri la
enhavoj instruaj kaj ekzamenaj de la priekzamenenda fako en la kampoj kaj
ampleksoj listigitaj de la koncernaj fakultatoj.
3.2 El la indikoj estu klare ke la kandidato entute kun la fakaj enhavoj kaj kun kiuj cxefaj temoj el ili okupigis. Precipe li indiku minimume 3 originallingve internaciajn beletrajn prozajxojn ampleksantajn kune minimume 400 prespagxojn, kiujn li tralaboris.
3.3 Se la studraportoj ne konformas al la postuloj tiam eblas postuli pliampleksigojn kaj kompletigojn de la fakenhavo aux, se ne eblas forigi la mankojn gis la komenco de la ekzamenoj, oni rekomendu al la kandidato la retirigxon. Pri tiu decido oni informu la kandidaton plej malfrue du monatojn antaux la ekzamendato.
3.4 La ekzamena komitato konsistigxu tiel kiel estas postulata por ekzameno
bakalauxrea.
4.1 Deviga ekzamena fako (temo de la internacia lingva ekzameno) estas
interlingvistiko kune kun internacilingva literaturiko.
Elektaj fakoj estas minimume 3, maksimume 6 pliaj fakoj el kiuj po unu estu el
la sekvantaj kampoj:
kampo I: naturscienca-kibernetika-teknologia kampo kun la sekvantaj fakoj el
la sekcioj 1 kaj 5: biologio, kemio, fiziko, geografio/geologio kaj
astronomio, sciencoj pri sano kaj nutrado, konstrua teknologio, mekanika
teknologio, elektroteknologio, informadiko, komputiko, klerigscienco kun
kibernetika pezo, psikologio kun kibernetika pezo.
kampo II: humanistika-kreiva kampo kun la sekvantaj fakoj el la sekcioj 2
kaj 6: lingvoj germana, angla, franca, itala (cxiuj kiel fremdlingvistiko aux
kiel lingvo- kaj literaturscienco de la gepatra lingvo), muzikologio, monda
historio, eduka scienco kun humanistika pezo, kompara juro, ekonomiko, teorio
pri arto, teatrologio, son- kaj videoteknologio (auxdvida komunikado),
retoriko, ekologio, arkitekturo, agrikulturo kaj hortikulturo, formado de
produktajxoj, sportiko.
kampo III: strukturscienca-filozofia kampo kun la sekvantaj fakoj el la
sekcioj 3 kaj 4: logiko, elementa, reprezenta kaj analiza geometrio, teorio
pri probablo kaj statistiko, analizo (inkluzive algebro kaj infinitesima
kalkulo), historio de filozofio, kompara religio.
Por la fakrilata matureco eblas elekti apud la menciitaj fakoj fakon ne menciita cxi tie kiu estu ordigebla al unu el la tri kampoj, kiel ekzamenan kaj estonte studan fakon; en cxi tiu fako la postuloj estu pli altaj respondaj al la enhavo de la unua studsemestro.
4.2 Inter la 3 gxis 6 elektitaj fakoj en kiuj krom en la internacia lingvoekzameno la kandidato ekzamenigas trovigxu minimume po unu fako el la tri kampoj.
La skriba parto de la lingvoekzameno internacia ofertu elekto inter 3 taskoj:
(a) eseo kun rilato al unu de la tri prozajxoj pritraktitaj,
(b) eseo prezentanta pripenson pri aspekto de la kulturo internacilingva aux
institucioj internaciaj,
(c) lingvistika temo kies prilaboro antauxkondicxas reflektadon pri la strukturo
kaj la vortaro de la internacia lingvo aux de la komputila lingvistiko aux de la
humanistika interlingvistiko.
La parola parto koncernu almenaux unu el la temoj nepritraktitaj. Rezigno pri la parola parto eblas nur se la kandidato atingis almenaux 8 el 10 poentoj atingeblaj.
En cxiu fako la tempo por la ekzameno ampleksu 4 horojn tempajn.
4.3 Validas jena poentsistemo:
10 poentoj: eminente,
9 poentoj: tre bone,
8 poentoj: bone,
7 poentoj: sufice,
6 poentoj: kontentige,
5 poentoj: apenaux kontentige,
0-4 poentoj: ne kontentige.
Cxe 9-10 poentoj aldonigxas la latinlingva aldono ,,summa cum lauxde``, cxe 8
poentoj ,,magna cum lauxde``, cxe 7 poentoj ,,cum lauxde`` kaj cxe 6
poentoj ,,rite``.
5.2 Se la kondicxo 1 sed ne la kondicxo 2 estas plenumita, sed se fako kun profundaj scioj kiel estonta studfako estas ekzamenita, tiam la fakspecifa ekzameno por la koncerna studfako estas trapasita. Eventuala bakalauxra ekzameno kun rezulto de almanaux 7/10 sxangxas la limigitan maturecon al gxeneralan.
5.3 La skriba parto de la ekzameno estas sukcese trapasita se
a) la kandidato atingis minimume 6 poentojn en po almenaux unu elektita fako el
cxiuj tri kampoj,
b) en neniu elektita fako li atingis malpli ol 3 poentoj,
c) en almenaux 2 fakoj li atingis po minimume 6 poentoj aux en unu fako 7
poentojn aux se li ekzamenigis en fako kiel estonta studfako kun profundaj
scioj kaj tie atingis almenaux 5 poentojn.
5.4 Pri la rezulto de la ekzameno la kandidato estos informita plej malfrue 6 semajnojn post la fino de la ekzameno. Samtempe li ricevas indikon pri la fakoj el la skriba parto en kiuj necesas parola ekzameno. Tia ekzameno necesas en elekta fako en kiu li ne atingis almenaux 6 poentojn.
5.5 Por kandidatoj kiuj per propraj publikajxoj povas pruvi specialan kvalifikadon en scienca kampo oni povas rezigni pri la skriba ekzameno laux peto; pri la peto la ekzamenofico decidas.
5.6 La kandidato rajtas el si mem peti parolan ekzamenon en iu ekzamena fako. Tio okazu plej malfrue unu semajnoj post sciigo de la rezultoj de la skriba ekzameno.
5.7 La prepara tempo disponebla al la kandidato por neskriba parto de ekzameno ampleksu gxenerale 30 minutojn post la sciigo pri la tasko. Se necesas eksperimenta aux praktika solvo eblas plilongigi tiun tempon al maksimume 3 horoj.
5.8 Se en iu fako la kandidato estis ekzamenita kaj skribe kaj neskribe, la tuta poentaro esprimigxu laux 20onoj. La poentoj atingitaj en la neskriba parto adiciigxu al la poentoj atingitaj en la skriba parto.
5.9 Se la ekzameno ne estas trapasita, gi povas esti ripetita unufoje (normale post almenaux unu jaro); antauxaj rezultoj ne estos prikonsiderataj krom se estis atingitaj almenaux 7/10 poentojn.
5.10 La kandidato rajtas retirigxi de la ekzameno antaux la komenco de la skriba parto (antaux eksciigo de la taskoj) sen indiki kialon. Se la retirigxo okazos post eksciigo de la taskoj pro propra kulpo de la kandidato, tiam la tuta ekzameno estas malsukcesa. Se la kandidato forestas la tutan ekzamenon aux parton de gxi sen indiki kialon, la tuta ekzameno estas malsukcesa. Se la foresto okazis pro malsano aux aliaj kialoj pri kiuj la kandidato ne kulpas, la ekzamenofico povas indiki novan ekzamendaton.
5.11 Se dum la ekzameno la kandidato trompas aux kulpas pri grava gxeno de la
ekzameno, li povas esti ekskludita de la plua ekzameno; la ekzameno estas
rigardata nesukcesa. Se post maksimume 2 jaroj post la ekzameno estos pruvita
trompo, tiam la studadmatureco povas esti malagnoskita. Kontraux la decido de la
ekzamenkomisio la kandidato povas protesti plej malfrue du monatojn post
sciigo. La ekzamenofico decidas per simpla majoritato.
La prezdanto: OProf. Dr.habil. Helmar Frank