Laborregularo de la Senato (LS)
Artikolo I
La senato konsistas el
(1) la prezidanto,
(2) la vicprezidanto (direktoro de la Scienca Sektoro kaj ISK-prezidanto)
kaj el la direktoroj de la jenaj 9 pluaj senataj oficoj:
(3) la financa ofico gvidata de la trezoristo aux senatano pri financoj,
(4) la protokolofico gvidata de la senata sekretario aux senatano pri
protokolado,
(5) la ekzamenofico, kies direktoro estas la senatano pri ekzamenoj,
(6) la strukturofico, kies direktoro estas la senatano pri la akademia
strukturo,
(7) la klerigofico, kies direktoro estas la senatano pri studado,
(8) la sciencofico, kies direktoro estas la senatano pri esplorado kaj
evoluigado,
(9) la informadofico, kies direktoro estas la senatano pri publikaj
rilatoj kaj informado,
(10) la honorigofico, kies direktoro estas la senatano pri honorigo, kaj
(11) la identecofico, kies direktoro estas la senatano pri la akademia
identeco.
Artikolo II:
Cxiu elektita senatano transprenu 1 - 3 de cxi tiuj 11 roloj, sed ne
samtempe la rolojn de la prezidanto kaj de la vicprezidanto. Cxiuj aliaj
roloj estas kunigeblaj. Konforme al la statuto de AIS nur la roloj (3) kaj (4)
estas transpreneblaj fare de alelektita trezoristo resp. sekretario; ili povas
esti unu nura persono, alelektita kiel Gxenerala Sekretario de AIS.
Artikolo III:
Por cxiu rolo (krom por la rolo de la vicprezidanto) ekzistas la rolo de
anstatauxanto. La anstatauxanto estu elektita senatano, kiu transprenas
la rolon de anstatauxanto lauxeble en interkonsento kun la direktoro de
la koncerna senata ofico. La vicprezidanto estas tiusence la anstatauxanto
de la prezidanto.
Artikolo IV:
Distribuante la senatan laboron laux II kaj III oni kalkulu la rolon de
la vicprezidanto same kiel tiujn de la aliaj 9 anstatauxantoj duone, la
rolon de la prezidanto same kiel tiujn de la direktoroj de la 9 oficoj plene
kaj zorgu, ke -- tiel kalkulante -- neniu elektita senatano plenumu pli ol 1/5
aux malpli ol 1/15 de la senata laboro, alivorte: cxiu elektita senatano
transprenu minimume 2, maksimume 6 de la 30 ,,duon-roloj``.
Artikolo V:
Al cxiu el la 11 roloj apartenu ofico kun lauxeble 3 -- 7 oficanoj; ili
estu prefere elektitaj aux alelektitaj senatanoj, vicsenatanoj, dekanoj,
estraranoj de la Subtena, Arta aux Teknika Sektoroj aux aparte spertaj
aliaj AISanoj.
Artikolo VI:
La ofico apartenanta laux V al la rolo de la prezidanto estas la senato
kune kun la direktoroj kaj vicdirektoroj de la sektoroj (kaj eventuale kune
kun la prezidanta sekretariejo, se tia stabo de dungitaj aux libervolaj
helpantoj dejxoras cxe la prezidanto).
Artikolo VII:
La ofico apartenanta laux V al la rolo de la vicprezidanto estas la
dekanaro kune kun la vicdekanoj.
La Senato decidis 1995-08-30 / 1694 pfR dum sia 27-a kunsido cxi
tiun laborregularon,
kiu estu sxangxebla nur per 2/3 de siaj vocxoj. Aprobo fare de la Gxenerala
Asembleo ne estas bezonata.
La prezidanto: OProf. Dr.habil. Helmar Frank