AIS · aranĝoj · SUS · Bosnia-hercegovina prov-SUS · Skiza programo

Bosnia-hercegovina prov-SUS de AIS San-Marino, skiza programo

Stato: 2008-07-30

La programo estas nun kreata, proponoj estas bonvenaj. Estis anoncitaj jenaj kursoj:

• OProf. Hans Dietrich Quednau: Geografia informprilaborado per la libera GIS-programo "GRASS" kaj la GIS-rilata GUI "QGIS". (sekcio 5)
  La geografia informprilaborado okupiĝas pri la prilaborado de datenoj, kiuj havas rilaton al la tera surfaco (spac-rilataj datenoj). GIS ( = Geografia Inform-Sistemo) signifas origine la ensemblon konsistantan el tiaspecaj datenoj kaj komputilo kaj programoj por prilabori ilin. Hodiaŭ tamen oni komprenas per la nocio GIS precipe la softan parton de tiu ensemblo. Per GIS-programo oni povas spac-rilatajn datenojn registri, analizi kaj grafike prezenti. En la kurso ni uzos la plej konatan senkostan kaj liberfontan GIS-programon "GRASS" kune kun la ankaŭ senkosta kaj liberfonta vidiga kaj interfaca programo "QGIS".
• EProf. ADoc. Alicja Lewanderska-Quednau: Teknikoj kaj metodoj de mensa laboro kaj ergonomiaj mezuroj de fizikaj kaj de psikaj pen-elspezoj. (sekcio 6)
  La kurso temas pri

  • lernado, memlernado, studado, preparado al ekzamenoj kaj manieroj de skribado de bakalaŭraj kaj magistraj verkoj (ekz. ĉe AIS)
  • la diferencoj inter teknikoj kaj metodoj dum mensa laboro, perceptebloj, psikaj procezoj i.a. procezoj afekciaj kaj volaj.
  • Plifortigo, trejnado kaj mezurado de konigaj procezoj. (tipoj de ili : atento, rimarko, perceptado, asociado, imago, memoro kaj pensado)
  • Helpo kaj malhelpo de motivigoj kaj volaj procezoj.
  • Rolo de ergonomio en mensa (psika) aktiveco -- kun prezentado de mezurado kaj efikoj de mezuresploroj (EEG, Ergonometro) -- laŭ la Munkena (Oberhaching) kaj Nurenberga Ergonomia Instituto kompare kun polaj institutoj.
  • Ankaŭ estas priparolata la metodo, kiun oni uzas en Centra Minista Instituto en Katowice kaj en la Ĉefa Instituto pri Unua Helpo en Polica kaj Fajrobrigada Altlernejoj.
  • la rolo de personeco kaj temperamento dum studado (kapabloj, karaktero, inteligento). Al tio koncernas la teorio de H. Frank pri inteligento. Ankaŭ laŭ la teorio de H. Frank oni povas dedukti, kiamaniere oni uzu ĝin praktike ekz. dum ekzamenoj kaj skribado de studfinaj verkoj.
  • socia rolo de individuo en evoluo de personeco -- precipe en nuna periodo en kaj por komuna Eŭropo.
• EProf. ADoc. Ljubiša Preradović: Informadika modelado. (sekcio 6, temo parenca al sekcio 1)
La procedo de projektado de informadika sistemo estas speco de modelado de la reala sistemo. Por tio necesas intelektaj rimedoj, kaj ili estas:
• Modelo de datenoj (objektoj de la sistemo, iliaj ecoj kaj reciprokaj rilatoj),
• Modelo de proceso (dinamiko de la sistemo, efiko de eniro al stato de la sistemo kaj eliraj transformoj).
Modelo de datenoj estas matematika abstraktaĵo, kiun oni utiligas por projektado de modelo de la reala mondo. Nocio kaj intenco de ilaro por Perkomputile Subtenata Softvara Inĝenierado. Praktika ellaborado.
• OProf. Dr. Reinhard Fössmeier: Enkonduko al la mastruma sistemo Linukso (sekcio 1)
  Linukso estas komputila mastruma sistemo, kiu taŭgas por diversgrandaj serviloj, sed ankaŭ por personaj komputiloj. Tiurilate ĝi estas preskaŭ la sola rivalo al Vindozo. La kurso skizas la historian evoluon, la karakterizajn trajtojn kaj la bazon de la uzado.
• EProf. Mag. Boĵidar Leonov: Bazaj principoj de la religia turismo (sekcio 6)

Liberaj prelegoj

• EProf. Sara Konnerth: Modelo de studadplano. (ŝanĝo de la temo)
• EProf. Dr. Lj. Preradović, Mićo Vrhovac inĝ: Turismaj potencialoj de Respubliko Serba.
• ADoc. Dr. Eugen Macko: La diferenco inter dialektiko kaj dialogiko.
  Nuntempe oni multe aŭdas pri dialogoj. Preskaŭ ĉiu volas dialogi, individuoj, ŝtatoj, kulturoj, mondpartoj, ktp. Pro tio estas aktuala la demando: Kio estas dialogo? Ĝenerale oni ne diferencigas en dialogoj inter dialektiko kaj dialogiko. Sed por sincera dialogo necesas la diferencigo. Kial? Al tiu demando volas respondi tiu prelego.
• OProf. Dr. habil. Eva Poláková: Etiko en amaskomunikado.
• Zlatko Hinšt dr. sc., dipl. oec., prof: Lingvaj eksplikoj kaj proponoj pri financaj terminoj.
  Baza ekonomia terminologio jam ekzistas – kelkaj specialigitaj vortaroj (Internacia Komerca-Ekonomika Vortaro, Borsa Terminaro, Glosaro de Eŭropa komunumo ktp) kaj uzado de koncernaj terminoj en publikaĵoj kaj aliaj eldonoj. Tradukoj de dokumentaro kaj orginalaj dokumentoj kun formularoj (bilanco, spezo-/profitkonto, financa statistiko kaj raportoj) kaj protokoloj, ekzemple pri financaj aferoj ankaŭ estas en praktiko de iuj organizoj, firmaoj aŭ unuopuloj. Oni povas plendi ke ĉio reprezentas modestajn kaj nesufiĉajn formojn de praktiko sen profunda aliro en teorio kaj apliko kun necesaj detaloj. Tamen estas necese pridiskuti kaj proponi eventuale pli bonajn solvojn por ekzistantaj terminoj kaj pliprecizigi iliajn signifojn konsekvence laŭ devenantaj nocioj kaj signifoj el originalaj lingvoj, ne ekskludante komparojn per pli vastaj plurlingvaj/semantikaj analizoj. Ne estas eble eviti iujn lingvajn kontraŭdirojn kaj dilemojn. Unu el la plej grandaj problemoj de signifoj de fakaj sen distingoj de aliaj samaj terminoj, inkluzive financajn terminojn estas homonimeco, malpli problemo de sinonimeco de terminoj sen eblaj distingaj nuancoj. Iuj ĝisnunaj terminoj bezonas neologismojn paralele kun ekzistantaj kaj por iuj nocioj novenkondukotajn terminojn. Esperanto povas kaj devas trovi eblecojn por lingva faka pliperfektigo kaj apliki adekvatajn/taŭgajn terminojn. La aŭtoro eksplikas multe da ekzemploj (vortaroj, oficialaj dokumentoj kaj eldonoj), inkluzive siajn ĝisnunajn kontribuaĵojn, pruvantaj bezonon por plibonigo de vortaroj/terminaroj kaj sciencofaka apliko.

Fine de la sesio okazos publikaj studfinaj ekzamenoj, kun defendo de la kandidataj verkoj.

En la kadra programo okazos

• kunsidoj de la senato (nepublikaj)
• Ĝenerala Asembleo de la Scienca Sektoro
• kunsido de la Subtena Sektoro
• kunveno de la membroj de la germana AIS-asocio "Internationale Akademie der Wissenschaften (AIS) San Marino"

• Ĉiĉeronata promeno tra Banjaluko
• duontaga ekskurso